Bakı. Cavid Zeynalov – APA. Səmərqənddə keçirilən IX Şərq Təranələri Beynəlxalq Musiqi Festivalında Azərbaycanı muğam ifaçısı Elnarə Abdullayeva təmsil edəcək. APA-nın məlumatına görə, 25-30 avqust tarixində keçirilən festivalda Elnarə Abdullayevanı “Şirvan” qrupu müşayiət edəcək. Nümayəndə heyətinin tərkibinə Mədəniyyət və Turizm Nazirliyinin, Bəstəkarlar İttifaqının, Bakı Musiqi Akademiyasının təmsilçiləri daxildir. Festivalın rəsmi açılışı avqustun 27-də olacaq.
IX Şərq Təranələri Beynəlxalq Musiqi Festivalı Özbəkistan prezidenti İslam Kərimovun təşəbbüsü, UNESCO-nun dəstəyi ilə 1997-ci ildən keçirilir. İki ildən bir baş tutan festivalda 50-dən çox ölkənin musiqi kollektivləri, musiqi xadimləri iştirak edir. Festivalda indiyədən Azərbaycandan xalq artistləri Alim Qasımov, Simarə İmanova, əməkdar artistlər Zabit Nəbizadə, Aygün Bəylər, xanəndə Qoçaq Əsgərov iştirak edib və müxtəlif mükafatlar qazanıblar.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
