Bu fikirləri APA TV-də efirə gedən “İlqar Rəsul və...” verilişinin qonağı xalq artisti Mənsum İbrahimov deyib.
O özünün də bir vaxtlar muğam müsabiqəsində iştirak etdiyini deyib: “Mən özüm də 1985-ci ildə Asəf Zeynallı adına musiqi məktəbində oxuyanda Üzeyir Hacıbəylinin 100 illik yubileyi münasibətilə keçirilən V musiqi müsabiqəsinin iştirakçısı olmuşam. Məni müsabiqəyə rəhmətlik Vahid müəllim hazırladı. Orada mən “Bayatı-Şiraz” dəsgahını və “Qarabağ şikəstəsi”ni oxudum. Şövkət Ələkbərova, Gülağa Məmmədov və Nəriman Əliyev də da münsiflər heyətində idilər. O vaxt reklam-filan yox idi. Şövkət xanım məni öz sinfinə qəbul elədi. Operaya da onun məsləhəti ilə götürdülər. Ağlıma gəlməzdi ki, mən nə vaxtsa Məcnunun partiyasını oxuya bilərəm. 5-6 il Zeydi ifa etmişəm, İbn Salamı oynamışam. Amma yaxşı ki, yaradıcılığıma kiçik rollardan başlamışam. Səhnədə mənə oynamağı, yeriməyi Hafiz Quliyev öyrətdi. Çünki biz ora xanəndə kimi gəlmişdik. Səhnədə oturub oxumaq başqadır. Rol alıb oynamaq və oxumaq tamam başqa bir şeydir”.
Mənsum İbrahimov indi istedadlar üçün geniş imkanlar olduğunu deyib: “O vaxt bizim üçün çətin idi. Mən 5-6 il kiçik rollar oynadım. İndiki kimi deyildi. İndi biz gedib kəndlərdən uşaqları yığıb gətirir, konsertlər hazırlayırıq. Artıq mən öz nüfuzumdan istifadə edib istedadlı uşaqlara kömək edirəm. İndi üç tələbəm var. Biri 2005-də keçirilən müsabiqənin iştirakçısı Pərvaz İbrahimovdur, biri 2007-ci ildəki müsabiqənin iştirakçısı Elməddin İbrahimli, üçüncüsü də indi keçirilən müsabiqənin iştirakçısı Mirpaşadır. Onlar hər üçü prezident təqaüdçüləridir, imkansız ailələrin uşaqlarıdır. Onlar həm də dövlətin himayəsindədir. O vaxt mənə deyirdilər ki, qocalanda sən də belə olacaqsan. Amma belə olmadım, bu gün 6-7 tələbəmi operaya aparmışam”.
Xanəndə özünün də çox çətinlik çəkdiyini deyib: “Mən də kasıb ailənin uşağı olmuşam. Ailədə 9 uşaq idik. Atam kənddə briqadir idi. Kasıbçılıq idi, amma hamı nikbin idi. Kənddə futbol komandası vardı, hər həftə yarış keçirirdik. İndi ora gedəndə o hissləri keçirə bilmirəm. Mənə babamın adını qoyublar. Atam deyirdi ki, sən bu uşaqların, bizim atamızsan. İndi mən də bacıya, qardaşa, qohuma, yaxınlara kömək etməyə çalışıram. Kiminsə ümid yeri olmaq yaxşı şeydir”.
Mənsum İbrahimov muğamı seçməsi barədə də danışıb: “Elə vaxt olub ki, mənə deyiblər, niyə müasir mahnılar oxumursan? Muğamdan pul qazanmaq olmur. Amma mənim bu sənətə hörmətim və sədaqətim olub. İndi tələbələrimə də deyirəm ki, siz işinizi görün. Narahat olmayın, sizi kənardan görürlər. Hərənin öz vaxtı var, o vaxta qədər işləmək, çalışmaq lazımdır. Dözmək, iradə sahibi olmaq çətin məsələdir. Amma dözən adam həmişə qazanır. O vaxt Asəf Zeynallı adına musiqi məktəbində elələri vardı ki, onların yanında oxuyanda utanırdım. Amma indi yoxdurlar. Çünki 80 manat maaş alıb, Məcnun rolunu oynamadılar”.
Xalq artisti bəzən toylarda da iştirak etdiyini gizlətmir: “Mən özümü toy müğənnisi hesab etmirəm. Amma toylara da gedirəm. İlk dəfə Bakı kəndlərindən birində toya getmişəm. Tanışların, yaxınların, dostların, çox vaxt da jurnalistlərin məclisinə gedirəm. Onlar zəhmətkeşdirlər. Dəvət edirlər, gedib təmənnasız iştirak edirəm. Bunu özümə borc hesab edirəm”.
Mənsum İbrahimov tərəf müqabilləri barədə də danışıb: “7 Leyli ilə oynamışam. Hamısı da görkəmli sənətkarlardırlar. İlk Leylim Gülyaz xanım olub. Səkinə xanımla, Simarə xanımla, Qəndab xanımla, Aygün xanımla, Nəzakət Teymurova ilə, Gülüstan Əliyeva ilə oynamışam. Amma ən çox Nəzakət Teymurova ilə oxumuşam”.
Səhnəmizin Məcnunu Sarabskiyə bənzəməkdən qürur duyduğunu deyib: “Azad Mirzəcanzadə bir dəfə müsahibədə demişdi ki, Mənsumu səhnədə görəndə elə bildim Sarabskini gördüm. Bu mənim üçün böyük dəyər idi. Həm sevinirdim, həm də inana bilmirdim. Sarabski operanın bilicisi idi. Sonra bir dəfə Azad müəllim otağıma gələndə ona təşəkkür elədim. Dedi ki, sənin çatışmayan cəhətlərin də var, amma Məcnun belə olmalıdır”.
Mənsum İbrahimov alın yazısına inandığını etiraf edib: “Alın yazısı var. Mən 26 yaşında evlənmişəm. Bizim vaxtımızda hər şey qapalı olurdu, görüşmək yox idi. Lakin içində bir məcnunluq olmasa, heç kəsi sevə bilməzsən. 4 övladım var, ailəmdən də, övladlarımdan da razıyam. Təkcə öz səbirsizliyimdən narazıyam. Bəzən çox darıxıram. İşlərimi çatdıra bilməməkdən qorxuram. Çayxanada oturanları görəndə mənə qəribə gəlir”.
Sənətkar ən böyük arzusunun Qarabağda konsert vermək olduğunu deyib: “Qarabağda konsertlər vermək istəyirəm. Mən o torpaqların bir zərrəsiyəm. Oralardan ötrü burnumun ucu göynəyir. Orada festivallar keçirilirdi. İndi xarabalığa dönüb. Adamın ürəyi ağrıyır. Mənə desələr ki, bu səhnədə son ifandır və həyat da bitir, mən mütləq Qarabağ musiqisi ifa edərdim. Nə qədər sevinsəm də, Qarabağsız yarımçıq kimiyəm. Kəndə gedəndə təpənin üstündən çıxıb baxıram. Bir kəndi yandırıblar, birini dağıdıblar... Ağır dərddir, yaşamayan bilməz. İndi hər azərbaycanlı qarabağlı olmalıdır. Biz bağışlaya-bağışlaya bu günə qalmışıq. Artıq bağışlamaq lazım deyil”.
Mənsum İbrahimov: “80 manat maaşa Məcnun rolunu oynamayanlar indi sənətdə yoxdurlar” - VİDEO
İncəsənət
Əməkdar artist Arif Mirzəyev dəfn edilib - YENİLƏNİB-1
Bakı Beynəlxalq İncəsənət Festivalının ikinci mövsümündə 10 mindən çox tamaşaçı iştirak edib
Bakı Media Mərkəzinin istehsalı olan “Sükut içində addımlar” filminin təqdimat mərasimi keçirilib - FOTO
Birinci vitse-prezident Mehriban Əliyeva və ailə üzvləri dünya şöhrətli skripkaçı Devid Qarrettin simfonik şousunu izləyiblər
Xəbər Lenti
Paşinyan: Yeni Konstitusiyanın qəbulundan sonra sülh müqaviləsinin imzalanması üçün zəmanətlər mövcuddur
Serbiya parlamentində ikinci gündür yeni sədr seçilə bilmir
Ermənistanda hərbi hissələrdən birində xidmət edən hərbçinin meyiti tapılıb
Xankəndidə mini futbol turniri başa çatıb
ABŞ-da demokratlar öz liderlərini Nümayəndələr Palatasının spikeri vəzifəsinə namizəd irəli sürüblər
Estoniya parlamenti Rusiya ilə sərhədin bağlanması ilə bağlı qanun layihəsini təsdiqləyib
ABŞ kəşfiyyatı: Süni intellektlə həyata keçirilən kiber əməliyyatların miqyası kəskin artıb
Bərdədə avtomobil piyadanı vurub öldürüb
Qazaxda yol qəzasında 4 nəfər ölüb, 1 nəfər xəsarət alıb - FOTO - YENİLƏNİB 2
Milli Məclisin sədri Sahibə Qafarova Türkmənistana işgüzar səfərə gedib
Bakıda Şimali Kiprin müstəqilliyinin 43-cü ildönümü münasibətilə rəsmi qəbul keçirilib
Almaniyanın XİN rəhbəri Paşinyan və Mirzoyanla görüşü barədə paylaşım edib
Ceyhun Bayramov ABŞ-ın sülh missiyaları üzrə xüsusi nümayəndəsinin baş müşaviri ilə görüşüb
Şuşanın "İqtisadi Əməkdaşlıq Təşkilatının turizm paytaxtı” tədbirinin bağlanış mərasimi keçirilib - YENİLƏNİB
İranın Bəndər Abbas şəhərində eşidilən partlayış səslərinin səbəbi açıqlanıb
Kvrivişvili: Azərbaycanla yeni iqtisadi əməkdaşlıq imkanlarını müzakirə etdik
General Natiq Əliyevin külli miqdarda dələduzluqda ittiham olunan qızı barəsində qərar verilib
ABŞ Qeşm adasında SEPAH-ın raket buraxılış məntəqəsinə zərbə endirib
Gürcüstan Müdafiə Qüvvələri komandanı Azərbaycan xüsusi təyinatlılarının məşğələsini izləyib - VİDEO
Aİ komissarı: Rusiya gələn il Ukraynaya 20 milyon dron buraxmağı planlaşdırır
“INMerge 2026” innovasiya sammitinə 94 ölkədən 1300-dən çox startap müraciəti daxil olub
Ukrayna ordusu Krasnodarda iki neft emalı zavodunun vurulduğunu təsdiqləyib
Sumqayıtda payız-qış mövsümü ilə bağlı müşavirə keçirilib
KİV: Putin Çinə nüvə çantası ilə gedib - VİDEO
Seneqal sahillərində miqrant qayığı batıb, 50-dən çox insan itkin düşüb
Bu il 6 vəkil Kollegiyadan xaric olunub, 27 nəfər cərimələnib
CENTCOM komandanı İsrail ordusunun ali rəhbərliyi ilə İranı müzakirə edib
DİN 104 kq narkotik, 8 min həbi dövriyyədən çıxarıb, 8 nəfər tutulub- VİDEO
Özbəkistanın axtarışa verdiyi şəxs Azərbaycanda saxlanılaraq təhvil verilib
Paşinyan TRIPP-in texniki parametrlərinin Azərbaycanla razılaşdırılmalı olduğunu bildirib
Əli Əsədov Gürcüstan Baş nazirinin müavini ilə görüşüb
Paşinyan Azərbaycanla sərhədyanı çayların birgə istifadəsi üzrə əməkdaşlıqdan danışıb
Neft və qaz ixrac edən ölkələr Antalyada enerji və iqlim məsələlərini müzakirə edib
Antalyaya uçan Rusiya təyyarəsində bomba təhlükəsi barədə məlumat daxil olub - YENİLƏNİB
Dövlət qulluğunda fəaliyyətin davam etdirilməsi ilə bağlı növbəti imtahan ləğv edilib, ödəniş geri qaytarılacaq
Mətbuat Şurası İdarə Heyətinin iclası keçirilib
Rusiya millisi AVRO-2028-in seçmə mərhələsinin püşkatmasına daxil edilməyib
Yeni hüquqi tənzimləmələrin tətbiqi ilə bağlı dövlət qulluğuna daxili müsahibə elanı ləğv edilib
Birbank-ın “Böl-ödə” krediti ilə 15 000 AZN-dək alış-verişi 6 ayadək komissiyasız hissələrə bölün
Bakıda və bəzi rayonlarda külək güclənəcək - XƏBƏRDARLIQ
Bakı Dialoqunun yekun Bəyannaməsi BMT-nin rəsmi sənədi kimi yayılıb
Su və Meliorasiya üzrə Layihələndirmə və Elmi Tədqiqat İnstitutunun işçilərinin sayı və əməkhaqları müəyyənləşib
Peskov Putin və Si Cinpinin Ukraynadakı münaqişəni müzakirə etdiklərini açıqlayıb
Putin və Tramp Çində ayaqüstü söhbət ediblər - VİDEO
Abşeronda yük maşınlarından 10 min manatlıq oğurluq edilib
İran ordusu ABŞ-a məxsus MQ-9 PUA-sını vurduğunu bildirir
“AzerGold” rəsmiləri Filizçay layihəsi ilə bağlı Balakəndə yerli icma nümayəndələri ilə görüşüblər - FOTO