Bakı. Turan Şakir – APA. Şuşa Dövlət Dram Teatrı Bərdə və Ağcabədi rayonlarından qastrol səfərindən qayıdıb. Bu barədə APA-ya teatrın direktor müavini Azad Məmmədov məlumat verib.
Onun sözlərinə görə, qastrol səfəri Milli Ordunun yaranmasının 95 illik yubileyi münasibətilə Mədəniyyət və Turizm Nazirliyinin təşkilatı ilə həyata keçirilib: “Səfər çərçivəsində Hüseynbala Mirələmovun “Güllələnmiş heykəllərin fəryadı” tamaşasını nümayiş etdirdik”.
Tamaşanın musiqi tərtibatçısının özü olduğunu deyən A.Məmmədov quruluşçu rejissorun Nadir Rüstəmov, quruluşçu rəssamın isə Valeh Məmmədov olduğunu vurğulayıb: “Tamaşada rolları əməkdar artistlər Yadigar Muradov, Şükufə Musayeva, İqrar Salahov, aktyorlar Püstəxanım Muradova, Nazir Rüstəmov və başqaları ifa etdilər”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
