İncəsənət

Ana səhifə

İncəsənət

Xalq artisti Əliağa Ağayevin anadan olmasının 100 illiyinə həsr olunmuş yubiley gecəsi keçirilib

01 iyun 2013 01:42 (UTC +04:00)

Bakı. Turan Şakir – APA. Mayın 31-də Akademik Milli Dram Teatrında görkəmli teatr və kino aktyoru xalq artisti Əliağa Ağayevin anadan olmasının 100 illiyinə həsr olunmuş yubiley gecəsi keçirilib. APA-nın məlumatına görə, yubiley tədbirində Teatr Xadimləri İttifaqının sədri xalq artisti Azər Paşa Nemətov xalq artistinin yaradıcılığının Azərbaycan aktyor peşəsinə verdiyi töhvələrindən danışıb: “Əliağa Ağayev milli teatr tarixinin fitri istedada malik parlaq simalarındandır. Zəngin mədəni ənənələrə həmişə sadiq qalan səhnə ustası və kino aktyoru kimi o, özünəməxsus üslubda yaratdığı son dərəcə koloritli obrazlarla Azərbaycan mədəniyyəti salnaməsinə yeni səhifələr yazıb”. Əməkdar artist Ramiz Məmmədov, kinoşünas Aydın Kazımzadə, televiziya rejissoru Məhərrəm Bədirzadənin də çıxış etdiyi yubiley gecəsində görkəmli aktyorun çəkildiyi filmlərdən və oynadığı tamaşalardan fraqmentlər göstərilib. Tədbirin ssenari müəllifi və aparıcısı xalq artisti Ramiz Novruz, rejissoru xalq artisti Mərahim Fərzəlibəyov olub.