Bakı. Cavid Zeynallı – APA. Xalq artisti İlhamə Quliyeva düşmənlə təmas xəttində xidmət edən hərbi qulluqçular qarşısında “Səni tərənnüm edirəm, Azərbaycan əsgəri” adı altında canlı konsert proqramı ilə çıxış edib.
APA-nın məlumatına görə, konsert Silahlı Qüvvələrin Şəmkir korpusunda Heydər Əliyev Mərkəzinin nəzdindəki “Əsgər” konsert salonunda baş tutub.
İ. Quliyeva bildirib ki, konsert onun şəxsi təşəbbüsü əsasında keçirilib: “Konsert uğurla başa çatıb. Fürsətdən istifadə edib, mənim təşəbbüsümü qiymətləndirən müdafiə naziri, general-polkovnik Zakir Həsənova, korpus komandiri, Milli qəhrəman, general-leytenant Rövşən Əkbərova təşəkkürümü bildirirəm. Bir daha əmin oldum ki, ordumuz yenilməzdir”.
İ. Quliyeva əsgərlər qarşısında yenə də çıxış edəcəyini deyib: “Növbəti səfərim isə Fövqəladə Hallar Nazirliyinin tabeliyində olan hərbi hissələrin birində baş tutacaq”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
