Bu fikirləri APA TV-də yayımlanan “Üç valet” verilişinin qonağı olan müğənni Xədicə Abbasova deyib.
Müğənni həmin dövrlərdə çox çətinliklərlə üzləşdiyini bildirir: “1982-ci ildə Emin Sabitoğlunu Mərkəzi Komitəyə çağırıb dedilər ki, ya Xədicə, ya partiya bileti. O da bileti qaytarmışdı. Emin Sabitoğlunun xalq artisti olub-olmamağının fərqi yoxdur, onsuz da o xalqın adamı idi. Sonra da uzun illər Türkiyədə fəaliyyət göstərdik. Bəlkə də Emin müəllimin vəfatından sonra gəlib burada çalışsaydım, o fəxri adları alardım. Amma buna ehtiyac duymadım. Buna baxmayaraq, mənə prezidentimiz tərəfindən ev verildi. Məncə, bu, mənə verilən ən böyük addır”.
Sovetlər dövründə ortaya qoyulan prinsiplər Xədicə Abbasova ilə Emin Sabitoğlunun münasibətinə xələl gətirə bilməyib. Bunu Xədicə xanım özü də etiraf edir: “Mən Eminin ikinci xanımı idim. O vaxt partiya prinsipinə görə evliliyə son vermək, ikinci dəfə ailə qurmaq əxlaqi normalardan uzaq idi. İndi belə deyil. Düzdür, illər sonra heç kəs bizi qınamadı, çünki gerçək sevgini anladılar”.
Müğənni Emin Sabitoğlu ilə tanışlığını belə xatırlayır: “10 yaşımdan baletə, musiqi dərnəklərinə, teatra gedirdim. Məni ən çox musiqi cəlb edirdi. Bir gün Şövkət xanımın ifasında “Dərələr” mahnısını eşitdim, sanki musiqinin sehrinə düşdüm. Maraqlandım, dedilər, Emin Sabitoğlunun musiqisidir, o vaxtdan bu ad yaddaşıma həkk olundu. Onun bütün musiqilərini əzbərlədim. Hamı deyirdi ki, bu qız Emin Sabitoğlu deyə-deyə dəli olacaq. Özfəaliyyət dərnəyində onun mahnılarını oxumağa başladım. Sonra Moskvada festivalda birinci yeri tutdum və Rəşid Behbudov məni teatrına dəvət etdi. Teatrda musiqili tamaşa hazırlayırdıq, dedilər ki, musiqini Emin Sabitoğlu bəstələyəcək. O gecə həyəcandan yatmadım ki, sabah Emin Sabitoğlunu görəcəyəm. Səhər gəldi, orta boylu, saçları dağınıq... Rəşid Behbudov bizi tanış elədi. Dedi ki, bu bizim yeni müğənnidir - Xədicə. Emin baxdı, dedi ki, bu heç müğənniyə oxşamır, qara-qura qızdır. Şok oldum. Bizim ilk görüşümüz belə oldu. Beş il sonra, 1979-cu ildə Stokholmda keçirilən tədbirdən qayıtmışdıq. Mən artıq tanınmış müğənni idim, ziyafətdə hamı mənimlə tanış olmağa cəhd edirdi. Bir də gördüm ki, Emin Sabitoğlu mənə tərəf gəlir. Yaxınlaşıb özünü elə apardı ki, yəni biz tanışıq, birlikdə işləmişik. Mən də dedim, siz kimsiniz? Hamı təəccüblə baxdı ki, necə yəni, Emin Sabitoğlunu tanımırsan? Dedim, hə, siz mənə qara-qura deyən Emin Sabitoğlusunuz. Güldü, dedi - 1-1”.
Xədicə xanımla Emin Sabitoğlu daha sonra birlikdə işləməyə başlayırlar: “Sonra Gülarə Əliyeva məni “Dan ulduzu”na dəvət etdi və Eminlə mənə iki mahnı verdilər. “Güllər” və “Payız gəldi” mahnılarını”.
Xədicə Abbasova Emin Sabitoğlu ilə evliliyi barədə belə deyir: “Emin müəllimi tanıyaraq sevmişəm, o insan dərya idi. Mən təhsilli, savadlı xanım idim, adi adamla ailə qura bilməzdim. Özünə baxan deyildi, mən ona layiq olduğu diqqəti göstərdim. Anam mənə ev xörəyi qoyurdu, çağırırdım ki, Emin müəllim, gəlin yeyək, ev yeməyidir. Beləcə, o, alışmadığı qayğını gördü. Mən ona yaxşı baxırdım, corabını da özüm geyindirirdim. Yaradıcı adam belədir, mən ona uşağım kimi baxdım. 50 illik yubileyində onu görən deyirdi ki, bu, Xədicənin diqqətidir. Özüm də bilmədən onu özümə aşiq etdim. Aramızda 20 yaş fərq vardı. Kirayədə yaşadıq, illər sonra ev aldıq, keçmiş xanımı evi bölmək istədi. Amma mən razı olmadım, çünki uşaqları vardı. Emin rəhmətə getdi, ondan mənə miras bir royalı qaldı, bir də adı”.
Xədicə xanım deyir ki, Emin Sabitoğlu qısqandığına görə, uzun saçlarını kəsməyə məcbur qalıb: “Məni çox qısqanırdı. Sonra yenidən uzatdım saçlarımı. Mənə yazdığı bütün mahnıları sevgimizə həsr etmişdi. Son vaxtlar Paşa Qəlbinurun sözlərinə bir mahnı yazdı və mənə dedi ki, mən həyatda olmayanda bu mahnını Azərbaycana ithaf edərək oxuyarsan. Sözləri belə idi: “Mən sizə gələcəyəm, vallah gələcəyəm”. Dedim, birlikdə oxuyarıq, dedi, yox, sən oxuyacaqsan. Dedim, Allah gecindən versin, elə bir şey olsa, mən onu sənə ithaf edib oxuyaram, maestro. Xoşuna gəldi, gözləri doldu”.
Xədicə Abbasova o günləri xatırlayaraq kövrəlir: “Ondan sonra dinlədiyim mahnı budur: “Mən niyə baxıram yollara, niyə, sən ki, bu yollardan dönən deyilsən”. Noyabrın 2-də onun ad günü idi, Bakı mətbəxini qutabını, düşbərəsini hazırladım, oradakı azərbaycanlılar gəldilər bizə. Axşam hamı gedəndən sonra dedi ki, təzə mahnı yazmışam – “Əlvida, bu son gecə, salamat qal, Xədicə”. Əcələ niyə inanıram? Çünki noyabrın 17-nə bilet almışdım, o, dedi ki, mən ayın 12-də getmək istəyirəm. Mənə səsini yüksəltməyən insan əlini vurdu stola ki, mən gedirəm! Və gəldi Bakıya. Məni işdən buraxmadılar. 18-də gələcəkdim, mən gələnə kimi o keçinmişdi. Heç vaxt görüşmədiyi uzaq qohumları ilə də zəngləşib görüşmüşdü. Həmin gecə Anar gecə saat ikidə yuxuda görüb ki, Emin ölüb. Ona zəng eləyiblər və dəstəyi götürən kimi deyib ki, nə olub, Emin ölüb?”
Müğənni 13 ildir yalnız yaşadığını deyib: “2001-ci ildə bura qayıtmaq istədim, gəldim gördüm ki, arxamda Emin yoxdur, mən toya gedib pul qazana bilmərəm, geri qayıtdım. Xarici dili bilməyim köməyimə çatdı, özümə iş qurdum. Röyalını belə ehtiyac ucundan satmışdım. Müdafiə Nazirliyinin səhnəsinə satdım, orada durur. Bir gün xahiş edib geri alacağam. Xoşbəxtəm ki, Eminin adına ləkə gətirəcək bir iş görmədim. Öz zəhmətimlə işləyib qazanıram”.
Sonda müğənni planlarını açıqlayıb: “Emin müəllimin yarıda qalmış əsərlərini tamamlayacağam. “Bu gecə” adlı bir klub açıb, Bakıda Emini xatırladacağam. Röyalı da orada olacaq. Mən hələ Eminlə yaşamağa davam edirəm”.
Xədicə Abbasova: “Emin Sabitoğlunu Mərkəzi Komitəyə çağırıb dedilər ki, ya Xədicə, ya partiya bileti...”
İncəsənət
Əməkdar artist Arif Mirzəyev dəfn edilib - YENİLƏNİB-1
Bakı Beynəlxalq İncəsənət Festivalının ikinci mövsümündə 10 mindən çox tamaşaçı iştirak edib
Bakı Media Mərkəzinin istehsalı olan “Sükut içində addımlar” filminin təqdimat mərasimi keçirilib - FOTO
Birinci vitse-prezident Mehriban Əliyeva və ailə üzvləri dünya şöhrətli skripkaçı Devid Qarrettin simfonik şousunu izləyiblər
Xəbər Lenti
Paşinyan: Yeni Konstitusiyanın qəbulundan sonra sülh müqaviləsinin imzalanması üçün zəmanətlər mövcuddur
Serbiya parlamentində ikinci gündür yeni sədr seçilə bilmir
Ermənistanda hərbi hissələrdən birində xidmət edən hərbçinin meyiti tapılıb
Xankəndidə mini futbol turniri başa çatıb
ABŞ-da demokratlar öz liderlərini Nümayəndələr Palatasının spikeri vəzifəsinə namizəd irəli sürüblər
Estoniya parlamenti Rusiya ilə sərhədin bağlanması ilə bağlı qanun layihəsini təsdiqləyib
ABŞ kəşfiyyatı: Süni intellektlə həyata keçirilən kiber əməliyyatların miqyası kəskin artıb
Bərdədə avtomobil piyadanı vurub öldürüb
Qazaxda yol qəzasında 4 nəfər ölüb, 1 nəfər xəsarət alıb - FOTO - YENİLƏNİB 2
Milli Məclisin sədri Sahibə Qafarova Türkmənistana işgüzar səfərə gedib
Bakıda Şimali Kiprin müstəqilliyinin 43-cü ildönümü münasibətilə rəsmi qəbul keçirilib
Almaniyanın XİN rəhbəri Paşinyan və Mirzoyanla görüşü barədə paylaşım edib
Ceyhun Bayramov ABŞ-ın sülh missiyaları üzrə xüsusi nümayəndəsinin baş müşaviri ilə görüşüb
Şuşanın "İqtisadi Əməkdaşlıq Təşkilatının turizm paytaxtı” tədbirinin bağlanış mərasimi keçirilib - YENİLƏNİB
İranın Bəndər Abbas şəhərində eşidilən partlayış səslərinin səbəbi açıqlanıb
Kvrivişvili: Azərbaycanla yeni iqtisadi əməkdaşlıq imkanlarını müzakirə etdik
General Natiq Əliyevin külli miqdarda dələduzluqda ittiham olunan qızı barəsində qərar verilib
ABŞ Qeşm adasında SEPAH-ın raket buraxılış məntəqəsinə zərbə endirib
Gürcüstan Müdafiə Qüvvələri komandanı Azərbaycan xüsusi təyinatlılarının məşğələsini izləyib - VİDEO
Aİ komissarı: Rusiya gələn il Ukraynaya 20 milyon dron buraxmağı planlaşdırır
“INMerge 2026” innovasiya sammitinə 94 ölkədən 1300-dən çox startap müraciəti daxil olub
Ukrayna ordusu Krasnodarda iki neft emalı zavodunun vurulduğunu təsdiqləyib
Sumqayıtda payız-qış mövsümü ilə bağlı müşavirə keçirilib
KİV: Putin Çinə nüvə çantası ilə gedib - VİDEO
Seneqal sahillərində miqrant qayığı batıb, 50-dən çox insan itkin düşüb
Bu il 6 vəkil Kollegiyadan xaric olunub, 27 nəfər cərimələnib
CENTCOM komandanı İsrail ordusunun ali rəhbərliyi ilə İranı müzakirə edib
DİN 104 kq narkotik, 8 min həbi dövriyyədən çıxarıb, 8 nəfər tutulub- VİDEO
Özbəkistanın axtarışa verdiyi şəxs Azərbaycanda saxlanılaraq təhvil verilib
Paşinyan TRIPP-in texniki parametrlərinin Azərbaycanla razılaşdırılmalı olduğunu bildirib
Əli Əsədov Gürcüstan Baş nazirinin müavini ilə görüşüb
Paşinyan Azərbaycanla sərhədyanı çayların birgə istifadəsi üzrə əməkdaşlıqdan danışıb
Neft və qaz ixrac edən ölkələr Antalyada enerji və iqlim məsələlərini müzakirə edib
Antalyaya uçan Rusiya təyyarəsində bomba təhlükəsi barədə məlumat daxil olub - YENİLƏNİB
Dövlət qulluğunda fəaliyyətin davam etdirilməsi ilə bağlı növbəti imtahan ləğv edilib, ödəniş geri qaytarılacaq
Mətbuat Şurası İdarə Heyətinin iclası keçirilib
Rusiya millisi AVRO-2028-in seçmə mərhələsinin püşkatmasına daxil edilməyib
Yeni hüquqi tənzimləmələrin tətbiqi ilə bağlı dövlət qulluğuna daxili müsahibə elanı ləğv edilib
Birbank-ın “Böl-ödə” krediti ilə 15 000 AZN-dək alış-verişi 6 ayadək komissiyasız hissələrə bölün
Bakıda və bəzi rayonlarda külək güclənəcək - XƏBƏRDARLIQ
Bakı Dialoqunun yekun Bəyannaməsi BMT-nin rəsmi sənədi kimi yayılıb
Su və Meliorasiya üzrə Layihələndirmə və Elmi Tədqiqat İnstitutunun işçilərinin sayı və əməkhaqları müəyyənləşib
Peskov Putin və Si Cinpinin Ukraynadakı münaqişəni müzakirə etdiklərini açıqlayıb
Putin və Tramp Çində ayaqüstü söhbət ediblər - VİDEO
Abşeronda yük maşınlarından 10 min manatlıq oğurluq edilib
İran ordusu ABŞ-a məxsus MQ-9 PUA-sını vurduğunu bildirir
“AzerGold” rəsmiləri Filizçay layihəsi ilə bağlı Balakəndə yerli icma nümayəndələri ilə görüşüblər - FOTO