Bakı. Şəhriyar Əlizadə - APA. Bakının Binəqədi rayonunda quldurluqda şübhəli bilinən şəxs tutulub.
APA-nın Daxili İşlər Nazirliyinin saytına istinadən verdiyi məlumata görə, noyabrın 1-də Biləcəri qəsəbəsi Binəqədi şosesindəki qutabxanaya gəlmiş naməlum şəxs orada işləyən Quba rayon sakini Əminə Mirzəyevanı bıçaqla hədələyib 300 manatını alıb.
Binəqədi Rayon Polis İdarəsi 6-cı Polis Bölməsinin əməkdaşlarının keçirdikləri əməliyyat-axtarış tədbirləri nəticəsində hadisəni törətmiş Bakı şəhər sakini, əvvəllər məhkum olunmuş Rabil Əliyev tutulub.