Xarici siyasət

Ana səhifə

Xarici siyasət

BMT İnsan Haqları Şurasında Azərbaycan üzrə milli hesabatın təqdimatı keçirilib

05 fevral 2009 11:29 (UTC +04:00)

Bakı. Viktoriya Dementyeva – APA. Fevralın 4-də BMT İnsan Haqları Şurasının iclasında Azərbaycan üzrə milli hesabatın təqdimatı keçirilib. Bu barədə APA-ya Azərbaycanın İsveçrədəki səfiri və BMT-nin Cenevrə ofisindəki daimi nümayəndəsi Elçin Əmirbəyov məlumat verib. O, prosedurun yeni olduğunu və Azərbaycanın ilk dəfədir bu proseduru keçdiyini deyib: “Bu sistem ölkələrə insan haqlarının inkişafı ilə bağlı fikir mübadiləsi aparmağa imkan verir”. Toplantıda Azərbaycan adından hesabatı xarici işlər nazirinin müavini Xələf Xələfov təqdim edib. Üç saat davam edən müzakirələrdə 60-a yaxın ölkənin nümayəndəsi öz mövqeyini bildirib. Səfir müzakirələrin pozitiv və konstruktiv xarakter daşıdığını, Azərbaycanın insan haqları sahəsində əldə etdiyi nailiyyətlərin qeyd olunduğunu və bir sıra tövsiyələrin də irəli sürüldüyünü vurğulayıb.

Azərbaycan_BMT