Bakı. Məlahət Nəcəfova - APA. Meksikanın Azərbaycandakı səfiri Rodriqo Labardini Azərbaycan Respublikasının Dövlət Neft Şirkətinin Sərmayələr və Marketinq üzrə vitse-prezidenti Elşad Nəsirovla görüşüb.
Səfirlikdən APA-ya verilən məlumata görə, neft sahəsində ikitərəfli əlaqələrin inkişafı məqsədilə baş tutan görüşdə ölkələr arasındakı münasibətlərdə, milli mədəniyyətlərdə olan oxşarlıqlardan söz açılıb.
Səfir neft-qaz sahəsində təcrübə mübadiləsinin həm onun inkişafına, həm də iki ölkənin rifahına xidmət edəcəyini qeyd edib.
E. Nəsirov isə şirkətin fəaliyyəti, xarici ölkələrdə reallaşan layihələr və sərmayələr barədə məlumat verib. O həmçinin Azərbaycanda neft hasilatının tarixinə toxunub.
Görüş zamanı tərəflərin Meksika (Pemex) və Azərbaycanın (SOCAR) neft şirkətləri arasında mümkün əməkdaşlığa marağı ifadə olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
