İnfrastruktur

Ana səhifə

İnfrastruktur

Azərbaycanda su istehlakçılarına ödəniş bildirişlərinin əl terminalları vasitəsilə verilməsinə başlanıb - FOTO

Azərbaycanda su istehlakçılarına ödəniş bildirişlərinin əl terminalları vasitəsilə verilməsinə başlanıb - <font color=red>FOTO</font>

25 noyabr 2011 13:30 (UTC +04:00)

Bakı. Nicat Mustafayev - APA-Economics. «Azərsu» ASC istifadə olunan içməli suyun dəqiq uçotunun aparılması üçün növbəti yeniliyin tətbiqinə başlayıb.

ASC-dən «APA-Economics»ə verilən məlumata görə, artıq Bakı şəhərində əhali qrupu üzrə istehlakçılara içməli su və kanalizasiya xidmətləri üzrə ödəniş bildirişləri əl terminalları vasitəsilə yerində verilir.

Bu cihazların məlumat bazasında abonentlər haqqında bütün məlumatlar (istfadəçinin adı, ünvanı, qeydiyyatda olanların sayı, abonent kodu, sayğaclar və s.) toplanıb: «Su sayğacları üzrə son göstəricilər qeydə alındıqdan sonra terminaldakı əvvəlki məlumatlarla tutuşdurulur, sərfiyyat və borclar haqqında bildiriş çap edilərək müştəriyə təqdim edilir. Eyni zamanda bu məlumatlar dərhal mərkəzi bazaya ötürülür və burada qeydiyyata alınır. Halbuki indiyə qədər sayğac göstəriciləri nəzarətçi tərəfindən qeydə alındıqdan sonra yerli Sukanal Sahələrində bazaya işlənirdi. Beləliklə, abonentlərə bildirişlərin verilməsi günlərlə vaxt aparırdı».

Yeni sistem həm də abonentlərlə nəzarətçilər arasında yarana bilən mübahisələrə (sayğac göstəricilərinin düzgün çıxarılmaması, bildirişlərin gecikdirilməsi və s.), həmçinin nəzarətçi səhlənkarlığına birdəfəlik son qoyur. Hələlik Bakı şəhəri üzrə nəzarətçilərin təxminən 10%-i səyyar əl terminalları ilə təmin olunub. Yaxın gələcəkdə Bakı, Sumqayıt şəhərləri və Abşeron rayonunda çalışan bütün nəzarətçilər əl terminalları ilə təmin olunacaq.