İnfrastruktur

Ana səhifə

İnfrastruktur

“Azercell” 15 illiyi münasibətilə biznes ictimaiyyətinə möhtəşəm hədiyyə edib - FOTO

“Azercell” 15 illiyi münasibətilə biznes ictimaiyyətinə möhtəşəm hədiyyə edib - <font color=red>FOTO</font>

01 dekabr 2011 09:09 (UTC +04:00)

Dünyanın ən tanınmış marketinq bilicisi Cek Traut azərbaycanlı iş adamları qarşısında çıxış edib

Bakı - APA-Economics. Dünyanın ən nüfuzlu marketinq strateqlərindən sayılan Cek Traut “Azercell” şirkətinin dəvəti ilə Azərbaycana gəlib. “Azercell”dən “APA-Economics”ə verilən məlumata görə, məşhur “Bazar mövqeləndirməsi” nəzəriyyəsinin yaradıcısı olan Trautun iştirakı ilə Bakıda geniş konfrans təşkil edilib.

Seminar zamanı dünyanın ən tanınmış marketinq bilicisi Cek Traut “Bütün dünya üzrə bazar mövqeləndirməsi” mövzusunda master-klass keçirib. Seminarın sual-cavab bölməsində iştirakçılar 40 illik təcrübəsi olan, müasir dövrün ən rəqabətli bazarlarında məsləhətçi işləyən ekspertlə birbaşa təmas yaratmaq imkanı qazanıblar.

Cek Traut dünyanın 30-dan çox ölkəsində nümayəndəliyi olan «Trout&Partners» konsaltinq şirkətinin banisi və prezidentidir. Bu qurum “Fortune Global 500” siyahısına daxil olan 80-dək şirkətə xidmət göstərir. Onların arasında “Microsoft”, “AT&T”, “Burger King”, “Holiday İnn”, “Master Card”, “İntel”, İBM, “Paramount”, “Volvo Auto”, “Procter & Gamble” və digərləri var. Həmçinin ABŞ Dövlət Departamenti üçün “USA” brendinin hazırlanması üzrə məsləhətçi qismində iştirak edən Traut son seçkilər zamanı Barak Obama və ABŞ Demokratik Partiyası ilə də işləyib.

Marketinqin dahisi sayılan C.Traut 20-dən çox əsərin müəllifidir. Onun imzası ilə çıxan hər yeni kitab uzun müddət biznes ədəbiyyatı üzrə bestsellerlər sırasında qalır.

Konfransın mümkün qədər çox insan tərəfindən izlənməsini təmin etmək üçün “Azercell” şirkətinin təşəbbüsü ilə tədbir canlı olaraq www.1news.az saytı ilə yayımlanıb.

Azərbaycanda ilk dəfədir ki, bu cür məşhur marketinq ustasının iştirakı ilə tədbir həyata keçirilib. Artıq neçə illərdir öz ad günündə hədiyyə almaq əvəzinə sürprizlər təşkil edən “Azercell” bu dəfə 15 illik yubileyi ilə əlaqədar belə unikal toplantı təşkil edib. Cek Trautun azərbaycanlı iş adamları qarşısında çıxışı bütövlükdə yerli biznes ictimaiyyətinə şirkət tərəfindən möhtəşəm və gözlənilməz bir hədiyyə kimi qiymətləndirilə bilər.