İnfrastruktur

Ana səhifə

İnfrastruktur

Azərbaycanda gömrük xidmətinin yaradılmasının 20 illiyi təntənəli şəkildə qeyd olunub - FOTOSESSİYA

Azərbaycanda gömrük xidmətinin yaradılmasının 20 illiyi təntənəli şəkildə qeyd olunub - <font color=red>FOTOSESSİYA</font>

30 yanvar 2012 13:03 (UTC +04:00)

«APA-Economics»in məlumatına görə, bu barədə bu gün müstəqil Azərbaycanın gömrük xidmətinin yaranmasının 20 illiyinə həsr olunmuş təntənəli iclasda bildirilib.

İclasda çıxış edən Dövlət Gömrük Komitəsinin (DGK) sədri Aydın Əliyev bildirib ki, 1994-cü ildə gömrük orqanları büdcəyə cəmi 3,5 mln. manat gömrük vergi və rüsumları ödəmişdisə, 2011-ci ildə bu rəqəm 1 mlrd. 141 mln. manata çatıb: «Hazırda 2012-ci il üçün ötən ilə nisbətən 60 mln. manat artıq nəzərdə tutulan proqnozların yerinə yetirilməsi üçün zəruri tədbirlər görülür».

A.Əliyev qeyd edib ki, 2011-ci ildə «Gömrük tarifi haqqında» yeni qanun layihəsi hazırlanaraq baxılmaq üçün müvafiq orqanlara təqdim edilib. Bundan başqa, hazırda Xudat gömrük məntəqəsinin, Biləsuvar və Tovuz gömrük məntəqələrində isə gömrük anbarlarının tikintisi davam edir.

Tədbirdə çıxış edən Ümumdünya Gömrük Təşkilatının (ÜGT) rəsmiləri və xarici qonaqlar Azərbaycanın gömrük xidmətinin fəaliyyətini yüksək qiymətləndiriblər. ÜGT-nin Bakıdakı Potensialın Gücləndirilməsi üzrə Regional Ofisinin rəhbəri Valeri Mikeladze gömrük xidmətinin Azərbaycanın iqtisadi həyatında və qaçaqmalçılıqla mübarizədə mühüm rol oynadığını gördüyünü bildirib.

Avstriya Maliyyə Nazirliyinin baş əməkdaşı Mixail Kraşek isə bildirib ki, Azərbaycan regionun mərkəzi ölkəsi olaraq dünyanın gömrük ailəsinə dərin nüfuz edib: «Ümid edirəm ki, Avstriya və Azərbaycanın gömrük əməkdaşlığı bundan sonra da davam edəcək».

Varşava Gömrük və Logistika Kollecinin beynəlxalq əməkdaşlıq departamentinin direktoru, gömrük sahəsində dünyanın ən məşhur mütəxəssislərindən sayılan Veslav Çijoviç Azərbaycanın bu 20 ildə gömrük sahəsində nail olduqlarına başqa ölkələrin daha uzun müddətdə çatdığını bildirib: “Şərq Tərəfdaşlığı” çərçivəsində Azərbaycan gömrüyü bizim əsas tərəfdaşımızdır”.

V.Çijoviç bildirib ki, 2012-ci ildə Azərbaycanda və Polşada dünya əhəmiyyətli tədbirlər – Polşada futbol üzrə Avropa çempionatı, Azərbaycanda isə «Eurovision» mahnı yarışması keçiriləcək: «Bu tədbirlər Azərbaycana və Polşaya turistlərlə yanaşı investorları da cəlb edəcək. Buna görə də bu sahədə təcrübəni bölüşmək lazımdır».

Polşalı mütəxəssis Azərbaycanda gömrük sahəsində kadrların yetişdirilməsi üçün yaradılmış şəraitin və bununla bağlı görülən işlərin analoqu olmadığını bildirib: “Kadrların hazırlanması və təkrar hazırlanması üzrə ən böyük mərkəz Məhz Bakıda yaradılır. ÜGT-nin digər 3 regional tədris mərkəzində belə imkanlar yoxdur. Gömrük Akademiyasının yaradılması isə gömrük sahəsində yüksək səviyyəli kadrların yetişdirilməsinə imkan verəcək”.

İsveç Gömrük Xidmətinin gömrük siyasəti departamentinin direktoru Lars Karlson Azərbaycan gömrüyünün nəinki regionda, «bütün gömrük icmasında pioner təşkilat kimi tanındığını» bildirib və bu sahədəki əməkdaşlığı yüksək qiymətləndirib.

Tədbirdə gömrük orqanı əməkdaşlarının peşə bayramı münasibətilə dövlət başçısının fərman və sərəncamları oxunub.

Qeyd edək ki, bu münasibətlə təltif olunanlardan biri - DGK-nın müstəntiqi Ülvi Zülfüqarov xarici vətəndaşlardan ibarət mütəşəkkil cinayətkar qrupun ifşa olunmasında mühüm rol oynayıb. Bu qrup poçt göndərişləri vasitəsilə Azərbaycandan Avropa ölkələrinə narkotik maddələrin göndərilməsi ilə məşğul imiş.