İnfrastruktur

Ana səhifə

İnfrastruktur

Gələn ay Marseldə Su Forumu keçiriləcək - FOTO

Gələn ay Marseldə Su Forumu keçiriləcək - <font color=red>FOTO</font>

09 fevral 2012 14:35 (UTC +04:00)

Bak. Elnur Hüseynquluyev - APA-Economics. Bu il martın 12-17-də Marsel şəhərində (Fransa) Su Forumu keçiriləcək.

«Azərsu» ASC-nin mətbuat xidmətindən «APA-Economics»ə verilən məlumata görə, bununla bağlı bu ilin fevral ayının 2-3-də Parisdə VI Ümumdünya Su Forumuna son hazırlıq iclası keçirilib. İclas iştirakçıları forumda qəbul ediləcək «Əməkdaşlıq proseslərinin razılaşma sənədi» üzrə müzakirələri başa çatdırıb.

Razılaşma sənədində hər bir fərdin su təchizatı və sanitariya hüququnun təmin edilməsi, su və sağlamlıq, su və yaşıl planet, su və ərzaq təhlükəsizliyi, su və energetika, su ilə bağlı təbii fəlakətlər, su və şəhərsalma, su təchizatının düzgün idarə olunması, maliyyələşdirilməsi və inkişaf üçün əlverişli mühitin təmin edilməsi üzrə çoxşaxəli problemlər araşdırılıb, problemlərin həll yollarının əsas istiqamətləri müəyyən edilib. Azərbaycan üçün xüsusi əhəmiyyət kəsb edən transsərhəd su obyektlərinin qorunması və razılaşdırılmış istifadəsinin zəruriliyi sənəddə xüsusilə qeyd edilib.

Qeyd edək ki, tədbirdə Azərbaycanı «Azərsu» ASC-nin «Sukanal» Elmi-Tədqiqat və Layihə İnstitutunun direktor müavini Adışirin Ələkbərovun rəhbərlik etdiyi nümayəndə heyəti təmsil edib. Azərbaycan nümayəndə heyəti müzakirələrdə fəallığı ilə seçilib və onların təkliflərinin bir qismi yekun sənəddə nəzərə alınıb. Su Forumunda Azərbaycan nümayəndə heyətinin «Transsərhəd sular» və «Su və sağlamlıq», «Yüksək Səviyyəli Dəyirmi masalarında» iştirakı nəzərdə tutulur.

Qeyd edək ki, Forumun hazırlıq iclasına 110 ölkənin nümayəndələri qatılıb.