İnfrastruktur

Ana səhifə

İnfrastruktur

Bakı-Böyük Kəsik dəmiryolunun Heybət-Puta mənzili əsaslı təmir olunur

06 mart 2012 09:14 (UTC +04:00)

Bakı. Əli Əhmədov - APA-Economics. Bu gün Bakı-Böyük Kəsik dəmiryolunun Heybət-Puta mənzilinin 510-513-cü kilometrində 4 km yolun əsaslı təmirinə start verilib.

«Azərbaycan Dəmir Yolları» QSC-nin Mətbuat Katibliyinin rəisi Nadir Əzməmmədovun «APA-Economics»ə verdiyi məlumata görə, əsaslı təmir işlərinə səhər saatlarında başlanılıb və artıq 1 km köhnə yolun söküntüsü başa çatmaq üzrədir. Təmir işləri 3 gün müddətində başa çatacaq.

Qeyd edək ki, Bakı-Böyük Kəsik istiqamətində 317 km yolun əsaslı təmiri «Azərbaycan Respublikasında dəmir yolu nəqliyyat sisteminin 2010-2014-cü illərdə inkişafına dair Dövlət Proqramı»nın icrası istiqamətində Azərbaycan Respublikası Hökuməti və Dünya Bankı tərəfindən maliyyələşdirilən “Dəmir Yolu Ticarətinin və Nəqliyyatının Dəstəklənməsi Layihəsi» çərçivəsində Çexiyanın “EximBank”ı ayırdığı 215 mln. avro məbləğində kredit hesabına həyata keçirilir.

Bakı-Böyük Kəsik sahəsində 317 km yolun əsaslı təmirinə 2011-ci ilin iyununda başlanıb. Bu günə kimi 61,5 km yol əsaslı təmir olunub.

Yolların əsaslı təmiri prosesini Çexiyanın “EximBank”ının nəzarət qrupu müşahidə edir. Təmir işləri başa çatandan sonra bu yollarda qatarların hərəkət sürətini artırmaq mümkün olacaq.