İnfrastruktur

Ana səhifə

İnfrastruktur

“Eurovision 2012” ərəfəsində Qobustan Milli Tarix-Bədii Qoruğu ətrafında iməcilik keçirilib - FOTO

“Eurovision 2012” ərəfəsində Qobustan Milli Tarix-Bədii Qoruğu ətrafında iməcilik keçirilib - <font color=red>FOTO</font>

30 mart 2012 14:10 (UTC +04:00)

Bakı. Nicat Mustafayev - APA-Economics. Bu gün Dünyanı Müdafiə Günündə «Təmiz Şəhər» ASC və «Eurovision»nun Azərbaycandakı rəsmi Fan Klubunun üzvləri Qobustan Milli Tarix-Bədii Qoruğunun ətraf ərazilərində təmizlik aksiyası keçirib.

ASC-dən «APA-Economics»ə verilən məlumata görə, iməciliyin keçirilməsində məqsəd Bakıda keçiriləcək «Eurovision-2012» mahnı müsabiqəsi zamanı Azərbaycana gələcək qonaqlar üçün daha gözəl istirahət şəraiti yaratmaq, təmizliyin qorunmasına əhalini təşviq etmək olub. Tədbirdə «Təmiz Şəhər» ASC-nin əməkdaşları ilə yanaşı, 100-ə yaxın könüllü gənc iştirak edib: «Azərbaycanın qədim tarixini özündə yaşadan Qobustan qoruğunun ətraf əraziləri plastik və şüşə butulkalardan, konserv qutularından, plastik torba və müxtəlif tullantılardan təmizlənib».

«Sözügedən müsabiqə ilə əlaqədar bütün dünyanın diqqəti Bakı şəhərinə yönələcək və ölkəmizə minlərlə əcnəbi turist gələcək. Bu tədbir yalnız Azərbaycan incəsənətinin təbliği deyil, həmçinin mədəniyyətimizin, tariximizin və gözəl diyarlarımızın dünyaya tanıdılmasıdır. Ölkəmizin layiqincə tanıdılması üçün şəhərimizin təmizlik və abadlaşdırma işləri önəmlidir və iməcilik aksiyası da məhz bu səbəbdən təşkil olunub», - deyə «Təmiz Şəhər» ASC-dən bildirilib.

Qeyd edək ki, «Təmiz Şəhər» əhalinin ətraf mühitə, yaşadıqları əraziyə qarşı məsuliyyətini artırmaq və şəhərimizin təmizliyini təmin etmək məqsədilə mütəmadi olaraq bu cür aksiyalar keçirir.