"Aeroflot" şirkəti fevralın 28-dən martın 2-dək ABŞ, Meksika, Dominikan Respublikası və Kubaya uçuşları ləğv edir.
"APA-Economics" xəbər verir ki, bu barədə aviadaşıyıcının açıqlamasında deyilir.
Bildirilir ki, uçuşların ləğvi Rusiya təyyarələri üçün hava məkanının bağlanması ilə əlaqədardır.
"Aeroflot"un Moskvadan Kankun (Meksika), Los-Anceles, Mayami, Nyu-York, Vaşinqton (ABŞ), Havana, Varadero (Kuba), Punta Kanaya (Dominikan Respublikası) transatlantik reysləri ləğv edilib.
Xatırladaq ki, fevralın 27-də Avropa İttifaqı (Aİ) öz hava məkanını Rusiya təyyarələri üçün bağlamaq və Rusiya aviadaşıyıcılarına Aİ ərazisi üzərində eniş, uçuş və keçməyi qadağan etmək qərarına gəlib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
