Bakıda və regionlarda müasir tələblərə cavab verən qida təhlükəsizliyi, heyvan və bitki sağlamlığı sahəsində ən mürəkkəb analizlərin aparmağa imkan verən 21 laboratoriya qurulub. ONA-nın xəbərinə görə, bunu "Azərbaycanda qida təhlükəsizliyinin təmin edilməsinə dair 2019-2025-ci illər üçün Dövlət Proqramı"nın təqdimatına həsr olunmuş dəyirmi masada çıxış edərkən Azərbaycan Qida Təhlükəsizliyi Agentliyin (AQTA) sədri Qoşqar Təhməzli deyib.
Onun sözlərinə görə, həmin laboratoriyadan 6-sı Abşeronda, 15-i isə Azərbaycanın regionlarında qurulub.
"Qida təhlükəsizliyi sahəsində şəffaflığın təmin olunması, peşəkar kadrların cəlb olunması, eyni zamanda AQTA institutunun maddi-texniki bazasının formalaşdırmaqla bir sıra tədbirlər görülüb. Agentlik tərəfindən baytarlıq, fitosanitariya, biotəhlükəsizlik və qida təhlükəsizliyi sahəsində idarəetmənin optimallaşdırılması istiqamətində kompleks tədbirlər həyata keçirilib", - deyə Q. Təhməzli qeyd edib.
Agentliyin sədri onu da bildirib ki, Azərbaycanda qida təhlükəsizliyi təmin edilməsinə dair 2019-2025-ci illər üçün dövlət proqramının strateji istiqamətləri üzrə yeni qida təhlükəsizliyi sisteminin inkişaf etdirilməsi ilə bağlıdır.
"12 prioritet istiqamətləri müəyyən olunduğu dövlət proqramı 7 il ərzində ölkədə qida təhlükəsizliyinin institusional formalaşmasına və qida təhlükəsizliyinin tam təmin olunmasına yönəlmiş tədbirləri özündə ehtiva edir", - deyə Q. Təhməzli bildirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
