Azad olunmuş ərazilərdə növbəti beynəlxalq aeroportun tikilməsi hələlik planlaşdırılmayıb.
Bu barədə “APA-Economics”ə açıqlamasında “Azərbaycan Hava Limanları”nın Əməliyyatlar üzrə Direktoru Teymur Həsənov bildirib.
O qeyd edib ki, azad olunmuş ərazilərdə sonuncu hava limanı Laçında tikilib, tikinti işləri 4 il davam edib.
Bununla da ölkədə hava limanlarının sayı 9-a çatıb.
Qeyd edək ki, işğaldan azad edilmiş ərazilərdə müasir standartlara cavab verən Füzuli və Zəngilan Beynəlxalq Hava limanları da inşa olunub.