Azərbaycanın poçt sektoru 2023-cü ildə 2022-ci ilə nisbətən yuvarlaq olaraq 25% böyüyüb.
“APA-Economics”in Azərbaycanda telekommunikasiya və poçt sahəsində tənzimləyici qurum olan İnformasiya Kommunikasiya Texnologiyaları Agentliyinin (İKTA) illik hesabatına istinadən xəbərinə görə, bu sahədə inkişafın əsas səbəbi elektron alış-verişə marağın artması olub.
İKTA-nın məlumatında qeyd olunur ki, Azərbaycanda poçt rabitəsi xidmətinə olan marağın artmasını ötən il ərzində açılan yeni poçt obyektlərinin sayında da müşahidə etmək olar: “Belə ki, 2023-cü ildə sürətli poçt xidməti üzrə 164 ədəd lisenziya (lisenziya əlavəsi) verilib. Bununla da, ümumilikdə qeyd olunan xidmət üzrə verilən lisenziyaların saylı 413-ə çatıb”.
“Agentlik lisenziya (lisenziya əlavəsi) üçün edilən müraciətlər əsasında 40-dan çox obyektə baxış keçirib və müvafiq rəy verib,” – deyə bildirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
