Bu ilin yanvar-iyun ayları ərzində 168 532 daşınmaz əmlak üzərində mülkiyyət hüququnun qeydiyyatı aparılıb.
Əmlak Məsələləri Dövlət Xidmətindən “APA-Economics”ə verilən məlumata görə, bu, ötən ilin eyni dövrü ilə müqayisədə 16,6% çoxdur.
Cari ilin ilk altı aylıq göstəricisinə əsasən, 42 955-i (25,5%-i) ilkin, 125 577-i (74,5%-i) isə təkrar qeydiyyatın payına düşüb. Qeyd edək ki, ötən ilin eyni dövrü ilə müqayisədə cari ilin yanvar-iyun ayları ərzində ilkin qeydiyyat 29,7% artıb.
Mülkiyyət hüquqlarının qeydiyyatı aparılan əmlaklardan 23 057-i fərdi yaşayış və bağ evi, 40 987-i mənzil, 98 866-ı torpaq sahəsi, 1780-i qeyri-yaşayış binası, 3417-i qeyri-yaşayış sahəsi, 401-i əmlak kompleksi, 23-ü çoxmərtəbəli yaşayış binası, 1-i isə çoxillik əkmələrdir.
Qeyd edək ki, cari ilin yanvar-iyun ayları ərzində dövlət qeydiyyatına alınan daşınmaz əmlakın 25,8%-i Bakı şəhərində, qalanları isə bölgələrdə yerləşir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
