Azərbaycanda 20-ə yaxın özəl şirkət dayanıqlılıq hesabatlarını dərc edir.
"APA-Economics" xəbər verir ki, bunu “Azərbaycanda Yaşıl Tikinti” mövzusunda keçirilən tədbirdə Dayanıqlı İnkişaf üzrə Milli Əlaqələndirmə Şurasının Katibliyinin rəhbəri, İqtisadiyyat Nazirliyinin şöbə müdiri Hüseyn Hüseynov deyib.
"2016-cı ildə dayanıqlı inkişaf məqsədləri (DİM) təşəbbüsü qəbul olunanda BMT-nin inkişaf proqramı ilə bir maarifləndirmə aksiyasına başladıq və özəl sektoru da bura cəlb etdik. Həmin dövrdə Azərbaycanda cəmi iki şirkət tərəfindən dayanıqlılıq hesabatları dərc olunurdu", - deyə H.Hüseynov əlavə edib.
O, bildirib ki, bu hesabatlar şirkətlər üçün müxtəlif üstünlüklər yaradır:
"Bu, şirkətlərin həm daxili ətraf mühit, sosial və iqtisadi standartlarının da konkret GPA-larının müəyyən olunmasına imkan verir, eyni zamanda xarici investorların da bu şirkətlərlə əməkdaşlıq etməsi üçün bir platforma və məlumat mənbəyi yaranır. Biz BMT-nin Azərbaycan Nümayəndəliyi ilə birlikdə bu prosesə start verdik və təqribən 50-ə yaxın özəl sektor nümayəndələri üçün bu dayanılılıq hesabatlarının hazırlanması üçün təlimlər keçirtdik. Bu təlimlər müsbət nəticə verib. Bu gün dayanıqlılıq hesabatlarını dərc edən şirkətlərin sayı 20-ə yaxındır".
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
