"Mercedes-Benz"in Rusiya bölməsi olan "Mercedes-Benz RUS" ASC Rusiyada 11 673 avtomobili geri çağırır.
"APA-Economics" xəbər verir ki, bu barədə Rusiyanın Texniki Tənzimləmə və Metrologiya üzrə Federal Agentliyinin ("Rosstandart") açıqlamasında deyilir.
Məlumata görə, kampaniya çərçivəsində 2018-ci ildən 2021-ci ilə qədər satılan "Mercedes-Benz CLS" (tip 257), "E-Class" (tip 213), GLC (tip 253), GLE (tip 167), GLS (tip 167), "S-Class" (tip 223) modelləri geri çağırılır. Buna səbəb vakuumla idarə olunan soyuducu nasosda soyuducu dövrə ilə vakuum dövrəsi arasında sızmanın ola bilməsidir.
"Mercedes-Benz" bölməsi geri çağırılan avtomobillərin sahiblərinə onları ən yaxın dilerə aparmaları üçün məlumat verəcəyini vəd edir. Bütün avtomobillərin soyuducu nasos proqram təminatı yenilənəcək və elektrik dəyişdirici klapan dəyişdiriləcək. Təmir pulsuz aparılacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
