ABŞ-ın "Oracle" korporasiyası dünya üzrə işləyən 150 min əməkdaşı adından Ukraynaya dəstək məqsədilə Rusiya Federasiyasındakı bütün əməliyyatlarını dayandırıb.
"APA-Economics" xəbər verir ki, bu barədə şirkət "Twitter" hesabında yazıb.
"Oracle"ın cavabı Ukraynanın Baş nazirinin müavini və rəqəmsal transformasiya naziri Mixaylo Fedorovun sosial media platforması vasitəsilə "Oracle" və SAP-dan dəstək istəməsindən bir neçə saat sonra gəlib.
Xatırladaq ki, "Oracle" təşkilatlar üçün ən böyük proqram təminatı istehsalçısı və server avadanlığının əsas təchizatçısıdır.