Rusiyadan Hindistana yola düşən 39 konteynerli ilk tranzit yük qatarı Sərəxs sərhəd keçid məntəqəsindən İrana çatıb.
“APA-Economics” “Tehran Times”a istinadən xəbər verir ki, Hindistana gedən Rusiya yükü iyulun 6-da Çexov stansiyasından ayrıldıqdan sonra İrana çatmaq üçün Qazaxıstan və Türkmənistandan keçərək 3800 kilometr yol qət edib.
Bununla da, Şimal-Cənub dəmir yolu dəhlizinin şərq hissəsinin rəsmi açılışı baş tutmuş olub.
Yük 1600 km-lik dəmir yolu marşrutu ilə İranın cənubundakı Bəndər-Abbas limanına göndərildikdən sonra dəniz yolu ilə Hindistanın Nhava-Şeva limanına çatdırılacaq. Şimal-Cənub Beynəlxalq Nəqliyyat Dəhlizi marşrutun üç hissəsindən ibarətdir: Şərq, Qərb və Orta.
İran və Rusiya Rusiyadan Hindistana tranzit marşrutunu qısaltmaq üçün Xəzər dənizindən istifadə etmək üçün dəniz sektorunda da əməkdaşlıq edirlər.
Ticarət marşrutunun uzunluğu 7200 km-dir və bu marşrutla yük daşımaları avtomobil, dəniz və dəmir yollarının çoxrejimli şəbəkəsi vasitəsilə həyata keçirilir. Bu marşrut İran və Azərbaycan vasitəsilə Hindistan və Rusiyanı birləşdirir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
