Rusiyanın "Ural Airlines" aviaşirkəti Jukovsk və İrkutsk şəhərlərindən Bakıya müntəzəm uçuşlar yerinə yuetirəcək.
"APA-Economics" aviadaşıyıcının yaydığı məlumata istinadən xəbər verir ki, uçuşlar Jukovsk hava limanından 18 dekabrdan etibarən həftədə iki dəfə (cümə axşamı və şənbə günləri) həyata keçirəcək. Uçuşlar yerli vaxtla Jukovskdan saat 13:00-da, Bakıdan isə saat 18:10-da yerinə yetiriləcək.
İrkutsk hava limanından isə 26 dekabrdan etibarən Bakıya aviareys həftədə bir dəfə (bazar günləri) həyata keçirəcək. Uçuşlar yerli vaxtla İrkutskdan saat 06:00-da, Bakıdan isə saat 09:25-də yerinə yetiriləcək.
Xatırladaq ki, aviadaşıyıcı həmçinin, 1 yanvar 2022-ci il tarixindən Kaluqa hava limanından da Bakıya həftədə bir dəfə olmaqla (şənbə günləri) müntəzəm uçuşlar həyata keçirəcək. Uçuşlar yerli vaxtla Kaluqadan saat 09:25-də, Bakıdan isə saat 14:30-da olacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
