Bakı. Nicat Mustafayev – APA-Economics. «Azərbaycan Hava Yolları» QSC (AZAL) aviaparkında olan ATR tipli təyyarələri «Embraer» avialaynerləri ilə əvəzləyəcək. Bu barədə «APA-Economics»ə AZAL-ın İstehsal-Koordinasiya İdarəsinin rəisi Natiq Qəmbərov məlumat verib.
Onun sözlərinə görə, AZAL özünə məxsus Fransa istehsalı olan ATR tipli təyyarələr Braziliya istehsallı «Embraer» avialaynerlərinə dəyişmək niyyətindədir: «Balansımızda olan ATR tipli təyyarələr satışa çıxarılıb. Onların əvəzində 4 ədəd «Embraer» təyyarəsi alınacaq ki, onlardan ikisi cari ilin may ayında, ikisi isə iyul ayında əldə olunacaq».
Xatırladaq ki, hazırda AZAL-ın təyyarə parkında 3 ədəd «ATR-72» təyyarəsi mövcuddur. Ümumilikdə isə aviaşirkətin parkında müxtəlif tipli 20 avialayner var.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
