Bakı. Nicat Mustafayev – APA-Economics. Ötən ilin yanvar-noyabr ayları ərzində Azərbaycanda tikinti materialları sənayesində müəssisələr tərəfindən 286,5 mln. manatlıq və ya 18,1% çox məhsul istehsal olunub.
Dövlət Statistika Komitəsindən «APA-Economics»ə verilən məlumata görə, hesabat dövründə ölkədə 1,8 mln. ton sement, 131,8 min ton tikinti gipsi, 1,1 mln. ton hörmə üçün hazır beton qarışığı, 487,1 min ton asfalt və 227,4 min kubmetr tikinti kərpici və s. məhsullar istehsal edilib. Əvvəlki ilin ilk on bir ayına nisbətən ölkədə sement istehsalı 38,5%, tikinti gipsi 42,3%, asfalt 44%, tikinti kərpici 0,4% artıb, hörmə üçün hazır beton qarışığının istehsalı isə əvvəlki ilin səviyyəsində qalıb.
Qeyd edək ki, 2012-ci il dekabrın 1-nə müəssisələrin anbarlarında 10,7 mln. manatlıq və ya ölkə sənayesi üzrə olan hazır məhsul ehtiyatının 3,9%-i qədər hazır məhsul ehtiyatı olub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
