Bakı. Nicat Mustafayev – APA-Economics. Bişkekdə (Qırğızıstan) Azərbaycan və Qırğızıstanın mülki aviasiya nümayəndə heyətləri arasında danışıqlar keçirilib.
«APA-Economics»in Azərbaycan Dövlət Mülki Aviasiya Administrasiyasının yaydığı xəbərə istinadən verdiyi məlumata görə, danışıqlar zamanı ikitərəfli əməkdaşlıq məsələləri və iki ölkə arasında hava əlaqəsinin qurulmasının perspektivləri müzakirə edilib. Tərəflər Azərbaycan və Qırğızıstan arasında hava əlaqəsi haqqında sazişin layihəsini razılaşdırıb və müvafiq ikitərəfli sənədi imzalayıb. Bununla da iki ölkə arasında müntəzəm sərnişin və yük reyslərinin yerinə yetirilməsinin müqavilə-hüquqi təməlinin əsası qoyulub.
Danışıqlarda Azərbaycan tərəfdən həmçinin «SilkWay Airlines» şirkətinin, eləcə də Azərbaycanın Qırğızıstandakı səfirliyinin nümayəndələri iştirak ediblər.
Xatırladaq ki, hazırda Bakı-Bişkek aviareysi «British Airways» aviaşirkəti tərəfindən London-Bakı-Bişkek aviareysi çərçivəsində yerinə yetirilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
