Bakı. Əli Əhmədov - APA-Economics. Azərbaycanda Finlandiyanın «Nokia» şirkətinin flaqman modeli sayılan «Nokia Lumia 920» modelinin satışına başlanıb.
“Nokia”nın rəsmi distribütoru olan «Mobitel» şirkətindən «APA-Economics»ə verilən məlumata görə, «Nokia Lumia 920» telefonları Windows 8 əməliyyat sistemində çalışır.
GSM 900, GSM 1800, GSM 1900, UMTS (WCDMA), LTE (4G) standartlarında çalışan model, takt tezliyi 1500 MHz olan 2 nüvəli prosessora malikdir. Modelin GPS-Naviqasiya imkanlarına +A-GPS, +GLONASS sistemləri daxildir. Flaqman 4,5 düymlük, PureMotionHD+ (Gorilla Glass 2.0) texnologiyalı ekranla təchiz edilib. Cihazın əsas kamerası Optik Şəkil Stabilləşdirmə funksiyası olan 8,7 Mpx-lik (3264 x 2448 px) Carl Zeiss kamerası, əlavə kamera 1.3 Mpx-dir. Modeldə toxunuşla ödəmə funksiyası (NFC) və simsiz enerji toplama imkanı da nəzərdə tutulub. «Nokia Lumia 920»nin qiyməti 650 manatdır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
