Əmlak Məsələləri Dövlət Komitəsindən «APA-Economics»ə verilən məlumata görə, «Korrupsiyaya qarşı mübarizəyə dair 2012-2015-ci illər üçün Milli Fəaliyyət Planı»nın icrası ilə bağlı «Daşınmaz əmlakın dövlət reyestri haqqında» qanuna əlavələr və dəyişikliklər edilməsi ilə bağlı qanun layihəsi hazırlanıb.
Layihədə daşınmaz əmlak üzərində mülkiyyət hüququnun dövlət qeydiyyatına alınması barədə çıxarışların (ilkin qeydiyyat istisna olmaqla) verilməsi üçün müəyyən edilmiş 20 günlük müddətin 7 iş günü müddətinə, daşınmaz əmlak üzərində hüquqların məhdudlaşdırılmasına (yüklülüyünə) dair dövlət reyestrindən arayışların verilməsi üçün müəyyən edilmiş 5 iş günlük müddətin 1 iş günü müddətinə, əmlak bölmələrinin sayının 15-dən 10-a endirilməsi və digər dəyişikliklər nəzərdə tutulub.
«Daşınmaz əmlak bölmələrinin sayının və hüquqların qeydiyyatı üçün qanunvericiliklə müəyyən edilmiş müddətlərin azaldılması istiqamətində hazırlanmış layihə baxılması üçün müvafiq təşkilatlara göndərilib», - deyə Komitənin məlumatında bildirilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
