Bakı. Nicat Mustafayev – APA-Economics. Bu ilin yanvar ayı ərzində Azərbaycanın dəniz nəqliyyatında daşınmış yüklərin həcmi 1,1 mln. ton təşkil edib ki, bu da ötən ilin analoji dövrünə nisbətən 11% azdır.
Dövlət Statistika Komitəsindən «APA-Economics»ə verilən məlumata görə, yüklərin 60,8%-ni neft, 39,2%-ni isə quru yüklər təşkil edib və bütün daşımalar xarici əlaqələr üzrə həyata keçirilib: «Hesabat ayında dəniz limanlarında 1,2 mln. ton yükləmə-boşaltma işləri həyata keçirilib və 1,6% artım olub. İşlənmiş yüklərin 89,2%-ni təşkil edən beynəlxalq tranzit yüklərinin həcmi 3,5% artıb».
Cari ilin fevralın 1-i vəziyyətinə limanlarda göndərilmək üçün 5,5 min ton və ya əvvəlki ilin eyni dövrü ilə müqayisədə 50% az idxal yüklərinin qalığı olub.
Bununla yanaşı, yanvar ayında dəniz nəqliyyatı ilə 1,1 min sərnişin daşınıb ki, bu da ötən ilin eyni ayı ilə müqayisədə 10% çoxdur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
