Bakı. Nicat Mustafayev – APA-Economics. Bu ilin yanvar-noyabr ayları ərzində Azərbaycanda hava nəqliyyatı vasitəsilə sərnişin və yük daşımalarının həcmi ötən ilin eyni dövrü ilə müqayisədə artıb.
Dövlət Statistika Komitəsindən «APA-Economics»ə verilən məlumata görə, cari ilin ilk 11 ayı ərzində hava nəqliyyatı ilə 1 485,2 min nəfər sərnişin və ya əvvəlki ilin analoji dövrü ilə müqayisədə 14,5% çox sərnişin daşınıb. Bu nəqliyyat növü ilə daşınmanın 98,5%-i dövlət bölməsinə, 1,5%-i isə özəl müəssisələrə məxsus hava gəmiləri ilə həyata keçirilib.
Hava nəqliyyatı ilə yükdaşımasının həcmi yanvar-noyabrda 18,8% artaraq 53,8 min ton təşkil edib.
Hesabat dövründə sərnişin dövriyyəsi 16,8%, yük dövriyyəsi isə 26,9% artıb.
Qeyd edək ki, hazırda Azərbaycanda 6 beynəlxalq hava limanı fəaliyyət göstərir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
