Bakı. Nicat Mustafayev – APA-Economics. Ötən ilin IV rübü ərzində Azərbaycanın mənzil bazarında qiymət indeksi 2012-ci ilin əvvəlki rübü ilə müqayisədə 0,5%, 2011-ci ilin müvafiq dövrünə nisbətən isə 2,7% artıb.
Dövlət Statistika Komitəsindən «APA-Economics»ə verilən məlumata görə, ilkin mənzil bazarında qiymətlər əvvəlki rüblə müqayisədə 0,4%, əvvəlki ilin müvafiq dövrünə nisbətən 3,2%, təkrar mənzil bazarında isə qiymətlər əvvəlki rüblə müqayisədə 0,5%, 2011-ci ilin müvafiq dövrünə nisbətən isə 2,7% artıb.
Eyni zamanda, ilkin bazarda 2012-ci ilin IV rübündə elit mənzillərin qiymətləri əvvəlki rüblə müqayisədə 1%, 2011-ci ilin IV rübünə nisbətən isə 1,3%, yaxşı layihələndirilmiş mənzillərin qiyməti müvafiq olaraq 1,8%, və 5,7%, birtipli mənzillərin qiymətləri isə 0,3% və 0,5% artıb.
Təkrar mənzil bazarında isə 2012-ci ilin IV rübündə aşağı keyfiyyətli mənzillərin qiyməti III rüblə müqayisədə 0,8%, 2011-ci ilin IV rübünə nisbətən 2,8% artıb. Birtipli mənzillər müvafiq olaraq 0,5% və 3,7%, yaxşı layihələndirilmiş mənzillər 0,2% və 2,4% bahalaşıb. Elit mənzillər isə III rüblə müqayisədə 0,2% bahalaşıb, əvvəlki ilin eyni rübünə nisbətən isə 1,1% ucuzlaşıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
