Bakı. Vahab Rzayev – APA-Economics. Azərbaycanda 2012-ci ilin III rübündə tikinti işlərində qiymətlər əvvəlki rübə nisbətən 0,2% azalıb. Dövlət Statistika Komitəsindən «APA-Economics»ə verilən məlumata görə, rüb ərzində yerüstü tikililər bölməsində 0,2%, yol və körpü tikintisində 0,4% azalma müşahidə edilib.
Rüb ərzində yerüstü tikililərdən sosial təyinatlı binaların tikintisi üzrə qiymətlər 0,2% artıb, yaşayış evlərinin tikintisi üzrə qiymətlər 0,3%, istehsal təyinatlı obyektlərin tikintisi üzrə qiymətlər 0,6% azalıb. Yaşayış evlərindən 5 mərtəbəyə qədər evlərin tikintisi üzrə qiymətlər 0,4%, 6 və çoxmərtəbəli yaşayış evlərinin tikintisi üzrə qiymətlər 0,2% azalıb.
Sosial təyinatlı binalardan inzibati binaların inşası üzrə qiymətlərdə 0,1% azalma, ümumtəhsil məktəblərinin tikintisi üzrə isə qiymətlərdə 0,2% artım müşahidə edilib.
İstehsal təyinatlı obyektlərdən sənaye obyektlərinin tikintisi üzrə qiymətlər 0,6% aşağı düşüb.
Rüb ərzində yol tikintisi üzrə qiymətlər 0,4%, körpü tikintisi üzrə qiymətlər 0,1% azalıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
