Bakı. Nicat Mustafayev – APA-Economics. Ötən il Azərbaycanda fəaliyyət göstərən mobil rabitə operatorları gəlirlərini əvvəlki ilə nisbətən 12% artırıb.
Dövlət Statistika Komitəsindən «APA-Economics»ə verilən məlumata görə, ötən il ölkədə təsərrüfat subyektlərinə və əhaliyə 1,4 mlrd. manatlıq və ya əvvəlki ilə nisbətən müqayisəli qiymətlərlə 15,9% çox xidmət göstərilib. Əhaliyə göstərilmiş informasiya və rabitə xidmətlərinin payı 72,2% təşkil edib.
«Xidmətlərdən əldə olunmuş gəlirlərin 60,4%-i mobil telefon rabitəsindən yaranıb və 2011-ci illə müqayisədə bu xidmətlərin həcmi 12,2% artaraq 859,9 mln. manat təşkil edib», - deyə Komitədən bildirilib.
Xatırladaq ki, hazırda Azərbaycanda 3 mobil rabitə operatoru fəaliyyət göstərir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
