Bakı. Nicat Mustafayev – APA-Economics. Mayın 28-dən etibarən Afina-Bakı marşrutu üzrə birbaşa aviareys açılacaq. Bu barədə «APA-Economics»ə sözügedən aviareysin sifarişçisi olan Yunanıstanın «Nomos Travel» şirkətinin rəsmi nümayəndəsi xanım Tatyana Şmıqina məlumat verib.
Onun sözlərinə görə, aviareys mövsümi xarakter daşıyır və bu ilin oktyabrın 25-dək davam edəcək: «Afina-Bakı-Afina aviareysi üzrə uçuşları Yunanıstanın «Aegean Airlines» aviaşirkəti yerinə yetirəcək. Yunanıstan paytaxtından Bakıya uçuşlar yerli vaxtla saat 23:45-də, Bakıdan Afinaya isə saat 07:00-da yerinə yetiriləcək. Uçuşlar hər həftənin III və V günləri 168 nəfərlik «Airbus A-320» avialayneri ilə yerinə yetiriləcək. Bakıdan Afinaya ilk uçuş mayın 29-da həyata keçiriləcək».
T.Şmıqina onu da əlavə edib ki, şirkət tərəfindən aparılan təhlil bu marşruta kifayət qədər marağın olduğunu göstərib: «Hər iki istiqamətdə bir aviabiletin minimal qiyməti 330 avro təşkil edir. Bu məbləğə bütün rüsum və yığımlar daxildir».
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
