Gəncə. Azər Məmmədli – APA. Tələbatın artması ilə əlaqədar Gəncə-Moskva istiqamətində yeni aviareysin açılması nəzərdə tutulur. Gəncə Beynəlxalq Hava Limanının direktoru Bəylər Nəcəfovun APA-nın Qərb bürosuna verdiyi məlumata görə, Rusiyanın «Koqalımavia» özəl aviaşirkəti Gəncə-Moskva istiqamətində yeni reys açmaq istəyir.
Müsahibin sözlərinə görə, hazırda tərəflər arasında bununla bağlı danışıqlar aparılır: «Razılaşmalar həll edilərsə, bu ayın axırından uçuşlar başlayacaq. Şirkət həftədə üç dəfə olmaqla «Airbus-320» və «Airbus-321» təyyarələri ilə sərnişin daşımağı planlaşdırır».
B.Nəcəfov bildirib ki, Azərbaycanın ikinci böyük şəhəri olan Gəncədan Moskva istiqamətində gedib-gələnlərin sayı çox olduğundan, AZAL («Azerbaijan Airlines») aviaşirkəti də bu istiqamətdə həftədə 3-4 reys artırmaq niyyətindədir.
Qeyd edək ki, Gəncə Beynəlxalq Hava limanından Moskvaya və əks istiqamətdə gündə 2-3 aviareys yerinə yetirilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
