Bakı. Anaxanım Hidayətova - APA-Economics. Barselonada keçirilən GSMA beynəlxalq mobil texnologiyalar sərgisində Azərbaycanın “Mobitel” və İsrailin “Lifewatch” şirkətləri arasında müqavilə imzalanıb.
Azərbaycan-İsrail Ticarət Palatasının sədri Aleks Kaplun “APA-Economics”ə bildirib ki, müqaviləyə əsasən bu ilin ikinci rübündən tibbi sensorlu diaqnostika quraşdırılmış unikal smartfonların Azərbaycana ixracına və satışına başlanacaq.
Dünyada analoqu olmaya bu smartfonlar istifadəçiyə müstəqil şəkildə tibbi testlər keçirmək, o cümlədən elektrokardioqram çəkmək, qanda şəkərin və oksigenin miqdarını, puls və temperaturu ölçmək imkanları yaradır.
“Mobitel” şirkətinin hesablamalarına görə, sözügedən smartfonlar Bakının mağazalarında may-iyun aylarında satılmağa başlanacaq. Azərbaycan bu smartfonların satılacağı ilk xarici ölkə olacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
