Yaxın illərdə Azərbaycan tikinti sənayesi məhsulları ilə özünü tam təmin edəcək.
“APA-Economics”in məlumatına görə, bunu iqtisadiyyat nazirinin müavini Niyazi Səfərov bu gün Bakıda keçirilən Azərbaycan-Avropa İttifaqı biznes forumunda çıxışı zamanı bildirib.
Onun sözlərinə görə, hazırda Azərbaycan bir sıra tikinti məhsulları sahəsində özünü tam təmin edə bilir: “Amma bəzi sahələrdə bu tam olmasa da, göstəricilər yüksəkdir. Yaxın illərdə biz özümüzü 100 faiz tikinti məhsulları ilə təmin edəcəyik,” – deyə N. Səfərov qeyd edib.
Nazir müavini bildirib ki, əldə olunan rəqəmlərə görə, tikinti məhsulları istehsalı 47%-dən çox, sement istehsalı 24%-dən artıq, kərpic istehsalı isə 48% artıb.
N. Səfərov bildirib ki, Azərbaycanda tikinti və maşınqayırma sahəsində keçirilən tədbirlər davamlıdır: “Bu tədbirlər iqtisadi diversifikasiyanın, kadr hazırlığını və xalqımızın vəziyyətinin yüksəldilməsinə xidmət edir".
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
