2021-ci ildə yarımkeçiricilərin qlobal satışları tarixdə ilk dəfə 500 mlrd. ABŞ dollar həddini keçib. Şirkətlər çip çatışmazlığı şəraitində tələbatı ödəmək üçün istehsalı artırıblar.
"APA-Economics" xəbər verir ki, bu barədə Yarımkeçiricilər Sənayesi Assosiasiyası (YSA) məlumat yayıb.
Qeyd olunur ki, ötən il yarımkeçiricilərin satışları illik müqayisədə 26,2% artaraq rekord həddə – 555,9 mlrd. dollara çatıb. Sənaye nümayəndələri rekord sayda məhsul tədarük ediblər – 1,15 trln. mikrosxem.
"2021-ci ildə mikrosxem çatışmazlığı fonunda yarımkeçirici istehsalçıları davamlı güclü tələbin öhdəsindən gəlmək üçün istehsalı görünməmiş səviyyələrə çatdırıblar və nəticədə rekord satışlar və tədarüklər əldə edilib", - YSA prezidenti və baş icraçı direktoru Con Nyufer qeyd edib.
Onun sözlərinə görə, yaxın illərdə yarımkeçiricilərə tələbat əhəmiyyətli dərəcədə artacaq.
YSA-nın verdiyi məlumata görə, Çində yarımkeçirici satışları 2021-ci ildə illik müqayisədə 27,1% artaraq 192,5 mlrd. dollar təşkil edib və bütün digər bazarları üstələyib. Satışlarda ən ciddi artım Şimali və Cənubi Amerikada müşahidə olunub – 27,4%. Avropada satışlar 27,3% artıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
