Bu ilin yanvar-mart aylarında Ukraynada “Odessa-Kremençuq” boru kəməri ilə 170,45 min ton Azərbaycan nefti nəql edilib.
“APA-Economics” “Enkorr” nəşrinə istinadən xəbər verir ki, bu barədə “Ukrtransnafta” neft nəqli sistemi operatorunun məlumatında deyilir.
Məlumata görə, ümumilikdə bu müddət ərzində Kremençuq neft emalı zavodu istiqamətində nəqlin həcmi 2017-ci ilin analoji dövrü ilə müqayisədə 36% artaraq 501,6 min ton təşkil edib.
Ümumilikdə isə 2018-ci ilin birinci rübündə Ukrayna neft nəqli sistemindən neft tranziti ötən ilin analoji dövrü ilə müqayisədə 7,6% azalaraq 3,225 mln. tona çatıb.