Kriptovalyuta bazarında son sutka ərzində əsas aktivlərin əksəriyyətində bahalaşma qeydə alınıb.
“APA-Economics” xəbər verir ki, “CoinMarketCap” platformasında “Bitcoin”in qiyməti son 24 saatda 0,44% artaraq 83 594,94 ABŞ dollarına yüksəlib. Bununla belə, kriptovalyuta son 7 gündə 0,60% ucuzlaşıb, son 30 gündə isə 7,77% bahalaşıb.
“Ethereum” 0,09% bahalaşaraq 2 507,84 dollara, BNB 0,19% artaraq 744,11 dollara, “Zcash” isə 4,26% yüksələrək 1 265,29 dollara çatıb.
Digər kriptovalyutalarda da müsbət dinamika müşahidə olunub. “Monero” 4,17% bahalaşaraq 554,15 dollara, “Bitcoin Cash” 2,66% artaraq 279,12 dollara, “Bittensor” isə 0,64% yüksələrək 280,28 dollara çatıb. “Solana”nın qiyməti də 0,11% artaraq 107,63 dollar təşkil edib.
Qızıl əsaslı “PAX Gold” (PAXG) isə ümumi bazar dinamikasından fərqli olaraq 0,59% ucuzlaşaraq 4 161,02 dollara enib.
“CoinMarketCap 20” indeksi son 24 saatda 0,64% artaraq 170,37 bənd təşkil edib. Ümumilikdə kriptovalyuta bazarının kapitallaşması isə 0,34% artaraq 2,81 trln. dollara yüksəlib.
Analitiklər bildirirlər ki, kriptovalyuta bazarındakı bahalaşma əvvəlki günlərdə müşahidə olunan ucuzlaşmadan sonra qiymətlərin qismən bərpası və investorların alış fəallığının artması ilə əlaqələndirilə bilər. Bununla belə, əsas aktivlərin əksəriyyətində həftəlik dinamikanın mənfi qalması bazarda satış təzyiqinin tam aradan qalxmadığını göstərir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
