Maliyyə

Ana səhifə

Maliyyə

Bu ilin əvvəlindən «Bank Respublika» kredit portfelini 56% artırıb

08 avqust 2008 07:52 (UTC +04:00)

Bakı. Nicat Mustafayev – APA-Economics. Bu ilin avqust ayının 1-nə Azərbaycanın «Bank Respublika» Səhmdar Kommersiya Bankının aktivləri ilin əvvəlindən etibarən 52,4% artaraq 386 mln. manata çatıb. «Bank Respublika»dan «APA-Economics»ə verilən məlumata görə, bankın kredit portfelinin həcmi bu ilin yanvar-iyul ayları ərzində 56,6% artaraq 249,5 mln. manat təşkil edib. Hesabat dövründə müştərilərin depozitləri 35,7% artaraq 151,3 mln. manatı keçib. Əhalinin əmanətlərinin həcmi isə 27,6% artaraq bu ilin avqustun 1-nə 66,9 mln. manat olub.

«Bank Respublika»nın 2008-ci ilin yanvar-iyul ayları ərzində məcmu kapitalı 61,1% artaraq 38,1 mln. manata çatıb. Hazırda bankın nizamnamə kapitalı 14,6 mln. manat təşkil edir. Bankın bu ilin yanvar-iyul ayları ərzində gəlirləri 31,2 mln. manat, xərcləri 23,6 mln. manat, balans mənfəəti isə 7,6 mln. manat olub.

Qeyd edək ki, «Bank Respublika» SKB 1992-ci ildən fəaliyyət göstərir. Bankın səhmdarları sırasında Almaniyanın «KfW» bank qrupunun üzvü «DEG İnvestisiya» şirkəti və «Sparkassen-Finanzgruppe» maliyyə qrupunun üzvü «Sparkassen International Development Trust» şirkəti 2005-ci ilin aprelin 28-dən bankın kapitalının «25%+1 səhm» paketinə sahibdirlər.

«Bank Respublika»