Bank Of Baku

«Paşa Bank» bu il real ÜDM-in 6-7% artacağını proqnozlaşdırır

«Paşa Bank» bu il real ÜDM-in 6-7% artacağını proqnozlaşdırır
# 07 iyul 2010 13:57 (UTC +04:00)
Bakı. Elnur Hüseynquluyev - APA-Economics. Azərbaycanın «Paşa Bank» ASC 2009-2011-ci illər üçün hazırladığı strateji planında bu il ərzində real ÜDM-in 6-7% artacağını proqnozlaşdırıb.

Bunu «APA-Economics»ə açıqlamasında bankın İdarə Heyətinin sədri Fərid Axundov bildirib.

F.Axundovun sözlərinə görə, bankın 2010-cu il üzrə proqnozuna əsasən, neft hasilatında təxminən 5%-lik artımın olması ilə yanaşı, ölkə iqtisadiyyatı neftin qiymətinin daha yüksək olmasından və xarici tələbatın artmasından səmərə əldə edəcək. Proqnozlara görə, investisiyaların həcminin 14 mlrd. ABŞ dollarına çatması gözlənilir. İnvestisiya yatırımlarının böyük bir hissəsi qeyri-neft sektoruna, xüsusən də kənd təsərrüfatı və istehsal sahəsinə qoyulan yerli investisiyalardan ibarət olacaq. Enerji daşıyıcılarının qiymətinin artması və xarici tələbatın yüksəlməsi cari hesablar üzrə saldonun ÜDM-in 25-30%-nə bərabər olacağı gözlənilir.

F.Axundov bildirib ki, neft gəlirlərinin artması istehlakçı qiymətlərinin artmasına təkan verəcək, proqnoz orta hesabla 6% hesablanıb. Eyni zamanda cari il ərzində valyutanın sabit qalacağı da proqnozlaşdırılıb.
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR