USD 1.7

Bakı 16 °C

Ödənişli xəbərlər

AZ RU EN FA FR

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

Maliyyə

Maliyyə

«Amrahbank» kredit reytinqi almaq niyyətindədir

02 mart 2011 08:41 (UTC +04:00)

Bakı. Nicat Mustafayev – APA-Economics. Azərbaycanın «Amrahbank» ASC kredit reytinqinin alınması məqsədilə «Fitch Ratings» beynəlxalq reytinq agentliyi ilə danışıqlara başlayıb. «APA-Economics»in məlumatına görə, bunu «Amrahbank»ın Biznesin inkişafı Departamentinin direktoru Xaliq İldırımzadə bildirib.

«Fitch» reytinq agentliyi ilə bankın 2010-cu ildəki fəaliyyət göstəriciləri əsasında kredit reytinqinin verilməsinə dair razılığa gəlmişik. Hazırda bununla bağlı müvafiq danışıqlar aparılır», - deyə X.İldırımzadə qeyd edib.

Xatırladaq ki, 2011-ci il yanvar ayının 1-nə «Amrahbank» ASC-nin aktivləri 78,656 mln. manat, kredit portfeli 48,026 mln. manat, o cümlədən istehlak kreditləri 28,667 mln. manat, 12 ayadək verilmiş kreditlər 13,960 mln. manat, 12 aydan artıq müddətə verilmiş kreditlər 34,065 mln. manat, vaxtı keçmiş kreditlər 2,377 mln. manat, depozit portfeli 43,754 mln. manat, o cümlədən əhalinin əmanətləri 28,892 mln. manat, müddətli depozitlər 27,257 mln. manat, tələb olunanadək depozitlər isə 15,642 mln. manat təşkil edib. Bununla yanaşı, cari ilin əvvəlinə bankın məcmu kapitalı 20,796 mln. manata, o cümlədən nizamnamə kapitalı 14,387 mln. manata bərabər olub. Ötən il ərzində bankın mənfəəti 4,9 dəfə azalaraq 356 min manat təşkil edib.

Xatırladaq ki, təsisçisi 5 yerli fiziki şəxs (51%) və Bəhreyn Beynəlxalq İnvestisiya Bankı (49%) olan «Amrahbank» ASC 1993-cü ildən fəaliyyət göstərir. Cari ilin yanvarın 1-nə bankın 22 filialı, 22 bankomatı və 55 POS-terminalı olub, həmçinin müştərilərinin sayı 31 800, aktiv plastik kartların sayı 3 442 ədəd, işçilərinin sayı 323 nəfər, orta aylıq əmək haqqı 741 manat təşkil edib.

İDMAN XƏBƏR

Maliyyə

"Moody's": Azərbaycan bankları kapital və likvidlik göstəricilərində regional liderlər sırasındadır