Maliyyə

Ana səhifə

Maliyyə

® «PAŞA Sığorta» avtonəqliyyat vasitələri və əmlakın icbari sığortasına başlayıb

10 yanvar 2012 10:42 (UTC +04:00)

Bakı. Elnur Hüseynquluyev – APA-Economics. Azərbaycanın «PAŞA Sığorta» ASC Baş Ofis və sığorta agentləri vasitəsilə avtonəqliyyat vasitələri və daşınmaz əmlakın icbari sığortası növləri üzrə şəhadətnamələrin tətbiqinə başlayıb.

Şirkətin baş ofisindən «APA-Economics»ə verilən məlumata görə, 2012-ci il 1 yanvar tarixindən etibarən icbari sığorta həm xidməti, həm də şəxsi mülkiyyətdə olan avtonəqliyyat vasitələrinə, mənzillər, digər yaşayış məntəqələri də daxil olmaqla əmlaka şamil olunur. Sahibkarlıq fəaliyyəti ilə bağlı istifadədə olan daşınmaz əmlakın istismarı ilə bağlı üçüncü şəxslər qarşısında məsuliyyət də icbari sığortalanmalıdır. Dövlət tərəfindən avtonəqliyyat vasitəsi sahiblərinin mülki məsuliyyətinin icbari sığortasına dair tətbiq olunan tarif mühərrikinin iş həcmindən asılı olaraq 1 il üçün 50 manatdan 250 manatadək nəzərdə tutulur, mənzillərin icbari sığortası isə Bakı şəhərində 1 il üçün 50 manat təşkil edir.

İcbari sığorta ilə bağlı daha ətraflı məlumat almaq üçün avtonəqliyyat və daşınmaz əmlak sahibləri saat 09:00-dan 18:00-dək (bazar günü istisna olmaqla) «PAŞA Sığorta» şirkətinin Lev Tolstoy küçəsi,170 ünvanında yerləşən Baş Ofisinə müraciət edə bilər və ya istənilən zaman «PAŞA Sığorta»nın Sığorta Məsləhətləri Xətti (050/055 - 263 88 08) ilə əlaqə saxlaya bilərlər.