Maliyyə

Ana səhifə

Maliyyə

«Atrabank»ın aktivləri son bir ildə 12% artırıb

16 avqust 2012 08:42 (UTC +04:00)

Bakı. Elnur Hüseynquluyev – APA-Economics. Azərbaycanın «Atrabank» ASC-nin aktivlərinin həcmi 2012-ci il iyulun 1-nə 62,751 mln. manat təşkil edib ki, bu da ötən ilin iyulun 1-nə olan göstərici ilə müqayisədə 12% çoxdur.

Bankın baş ofisindən «APA-Economics»ə verilən məlumata görə, hesabat dövründə bankın kredit portfeli 10% artaraq 47,070 mln. manat, o cümlədən qısamüddətli kreditlər (12 ayadək) 57% artaraq 34,998 mln. manat, uzunmüddətli kreditlər 53% azalaraq 8,237 mln. manat, istehlak kreditləri isə 43% artaraq 15,050 mln. manat, vaxtı keçmiş kreditlər isə 32% artaraq 3,835 mln. manat olub.

Bu müddət ərzində bankın depozit portfeli 63% artaraq 21,532 mln. manata, o cümlədən tələb olunanadək depozitlər 4,6% artaraq 3,548 mln. manata, əhalidən cəlb edilən əmanətlərin həcmi isə 84% artaraq 17,984 mln. manata çatıb.

Birinci yarımillikdə bankın məcmu kapitalı 2,7% artaraq 11,627 mln. manat, o cümlədən nizamnamə kapitalı sabit qalaraq 10,425 mln. manat olub.

Qeyd edək ki, son bir il ərzində bankın ümumi gəlirləri 56% artaraq 4,017 mln. manata, xərcləri isə 57% artaraq 3,749 mln. manata çatıb. Nəticədə, bankın mənfəəti 55% artaraq 268 min manat təşkil edib.

Xatırladaq ki, «Atrabank» ASC 1992-ci ildə yaradılıb. Hazırda bankın ölkə üzrə 13 filialı, 13 bankomatı və 79 POS-terminalı fəaliyyət göstərir.