"Kapital bazarları maliyyə-bank sektorunda fəaliyyət göstərən şirkətlərə daha çox maliyyələşmə imkanları yaradır, digər real sektoru təmsil edən şirkətlərin iştirakı daha məhduddur".
"APA-Economics" xəbər verir ki, bunu Azərbaycan Mərkəzi Bankının Kapital Bazarlarına Nəzarət Siyasəti və Nəzarət Departamentinin direktor müavini Samir İsmayılov deyib. O bildirib ki, real sektorda olan şirkətlərin iştirakı artarsa kapital bazarları daha səmərəli, effektiv fəaliyyət göstərə bilər.
S. İsmayılov bununla belə, bu ilin on ayında 25 emissiya prospektinin təsdiqləndiyini və rekord göstərici olduğunu deyib. Belə ki, pandemiyadan əvvəl, yəni 2019-cu ildə 3, 2020-ci ildə 11, 2021-ci ildə isə 20 emissiya prospekti təsdiqlənib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
