Azərbaycanda 2026-cı ilin yanvar-sentyabr aylarında dövlət istiqrazları üzrə ümumilikdə 2 milyard 694,3 milyon manat məbləğində ödəniş həyata keçirilib.
“APA-Economics” Maliyyə Nazirliyinə istinadən xəbər verir ki, bu məbləğin 2 milyard 297,2 milyon manatı əsas borcun qaytarılmasına yönəldilib.
Daha 397,1 milyon manat isə faiz və diskont ödənişlərinin payına düşüb. Ödənişlər dövlət büdcəsinin vəsaiti hesabına həyata keçirilib.
Müqayisə üçün, 2025-ci ildə dövlət istiqrazları üzrə ümumilikdə 5 milyard 683,6 milyon manat ödəniş edilib. Bunun 5 milyard 76,6 milyon manatı əsas borc, 607 milyon manatı isə faiz və diskont xərcləri olub.
Qeyd edək ki, oktyabrın 1-nə dövriyyədə olan dövlət qiymətli kağızlarının ümumi həcmi 7 milyard 766,2 milyon manat təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
