Ferrum Kapital 2023-cü ilin birinci yarısı üzrə maliyyə hesabatlarını açıqlayıb.
“APA-Economics” təşkilatın maliyyə hesabatlarına istinadən xəbər verir ki, 2023-cü ilin ilk 6 ayında “Ferrum Kapital”ın xalis mənfəəti ötən ilin müvafiq dövrü ilə müqayisədə 14.9% azalaraq 2 milyon 16.8 min manat təşkil edib. 2022-ci ilin ilk 6 ayında təşkilat 2 milyon 369.1 min manat xalis mənfəət əldə etmişdi.
Hesabat dövründə təşkilatın komissiya gəlirləri illik müqayisədə 11.5% artaraq 8 milyon 297.1 min manat, əməliyyat və faiz xərcləri isə 23.2% artaraq 5 milyon 776 min manat təşkil edib. Bu dövrdə təşkilatın məcmu mənfəəti 2 milyon 552.1 min manat olub ki, bu da ötən ilin müvafiq dövrü ilə müqayisədə 8.4% azdır.
Eyni dövrdə “Ferrum Kapital”ın cəmi aktivləri ilin əvvəli ilə müqayisədə 15.8% artaraq 65 milyon 869.4 min manata, cəmi öhdəlikləri isə 4.7% artaraq 49 milyon 126.8 min manata yüksəlib.
1 iyul 2023-cü il tarixinə “Ferrum Kapital”ın cəmi kapitalı 16 milyon 769.5 min manat təşkil edib ki, bu da ilin əvvəli ilə müqayisədə 68.3% çoxdur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
